ەندى دۋبايعا ۇيدە وتىرىپ-اق ساياحات جاساي الاسىز

استانا. قازاقپارات - ەندى ۇيدە كومپيۋتەرىڭىزدىڭ الدىندا وتىرىپ-اق دۋبايعا ساياحات جاساي الاسىز، دەپ حابارلادى www.muslim.kz.

الەم تۇرعىندارىنا ارنالعان ەرەكشە جوبانى بىرىككەن اراب امىرلىكتەرى ءبىر جارىم جىل دايىنداعان. دۋبايدىڭ تاماشا كەلبەتىن 360 گرادۋستا كورسەتەتىن ۆيرتۋالدى ساياحاتتى ينتەرنەت ارقىلى ىسكە اسىرىلادى.

Dubai360 اتاۋىمەن شىققان جاڭا جوباعا 1,3 مىڭ پانورامالى فوتو-بەينەروليكتەر ەنگىزىلگەن. ينتەراكتيۆتى تۋردا ەلدىڭ مادەني قۇندىلىقتارىمەن، سانجۇلدىزدى مەيمانحانالارمەن، كولىك قۇرىلىمدارى جانە اۋەجايلارىمەن جاقىنىراق تانىسۋعا بولادى. ال قالا كەلبەتىن شىنايى كورسەتۋ ءۇشىن وندا 500 مىڭنان اسا سۋرەتتەر جۇكتەلگەن.