كۇيەۋىڭنىڭ سەنى عانا جاقسى كورۋىنە سەبەپ بولاتىن ءدارى بار
بىردە ول كۇيەۋىن قىزعانعاننان اۋىلىنىڭ عۇلاماسىنا بارىپ: «كۇيەۋىمە تەك ءوزىمدى جاقسى كورگىزەتىن ءدارى جاساپ بەرىڭىزشى...» دەپ ءوتىنىش جاسايدى.
مۇنىڭ مۇمكىن ەمەس ەكەنىن بىلسە دە، عۇلاما وعان: «ءدارى جاساپ بەرەيىن، ول ءۇشىن ءتىرى ەركەك ارىستاننىڭ موينىنىڭ ءجۇنىن كەسىپ الىپ كەل» دەپتى.
سودان ايەل دە ساسپاي الگى ارىستاننىڭ مويىن ءجۇنىن اكەلۋگە بەل بۋىپ، اڭشىلارعا بارادى. كەلگەن مەزەتتە ولارعا: «ارىستانعا قالاي جاقىنداۋعا بولادى» دەپ سۇرايدى.
اڭشىلار ايەلدىڭ قايتپايتىنىن كورىپ: «ونىڭ ءبىر عانا جولى بار، وعان ەت بەرۋ كەرەك» دەپتى.
الگى ايەل كۇندە ورمانعا ەت تاسۋدى ادەتكە اينالدىرادى، ەل-جۇرت الىستان ءبىر ەركەك ارىستاننىڭ مۇنى جەپ جۇرگەنىن بايقاپ جۇرەدى. ۋاقىت وتە ايەل ەتتى ارىستاننىڭ كوزىنە كورىنىپ، كەيىن جاقىنداپ بەرە باستايدى. ارادا ءبىر اي وتكەندە ارىستانعا ەتتى قولىمەن بەرەدى. بىلق ەتپەگەن ارىستاننىڭ موينىنداعى ءجۇنىن قايشىمەن كەسىپ الىپ عۇلاماعا بارادى.
سوندا عۇلاما: «ونداي ءدارى - ارىستاننىڭ ءتىلىن تاپقاندا كۇيەۋىڭنىڭ ءتىلىن تابا المايسىڭ با؟ ارىستانعا نە ىستەسەڭ كۇيەۋىڭە دە سولاي ەت، ول اڭ ەمەس، تىستەپ المايدى. سۇيگەن تاماعىن بەر، قاباعىن باعىپ، كوزىنە قۋانىش سىيلا، سوندا سەنەن باسقا ەشكىمدى جاقسى كورمەيتىن بولادى» دەگەن ەكەن.
«اسىل ارنا»