جاپونيا سودىرلاردىڭ قۇقايىنا ۇشىرادى
08:42, 21 - قاڭتار 2015
استانا. قازاقپارات - «يسلام مەملەكەتىنىڭ» سودىرلارى جاپوندىق ەكى تۇتقىندى ءولتىرىپ تاستايمىز دەپ قورقىتىپ وتىر. بۇل تۋرالى توپتىڭ جاريا ەتىلگەن بەينەجازباسىندا ايتىلعان.
بەينەروليكتە جاپون ۇكىمەتىنىڭ «يسلام مەملەكەتىمەن» سوعىسىپ جۇرگەن ەلدەرگە كومەك كورسەتۋگە ۋادە بەرگەنى ءۇشىن ءمىن تاعىپ وتىرعان سودىر كورسەتىلگەن. ول ەگەر توكيو اتالعان توپقا 200 ميلليون دوللار كولەمىندە اقشا تولەمەسە، قولدارىنداعى ەكى تۇتقىندى اجال قۇشتىراتىندارىن ايتىپ قورقىتتى.
اتالعان بەينەجازبانىڭ شىنايىلىعىنا كوز جەتكىزۋ ازىرگە مۇمكىن بولماي وتىر. ال جاپونيانىڭ سىرتقى ىستەر مينيسترلىگى رەيتەر اگەنتتىگىنە قازىرگى كەزدە بەينەجازبانىڭ قانشالىقتى شىنايى ەكەنى انىقتالىپ جاتقانىن حابارلادى.
ۆەدومستۆو وكىلى سونىمەن قاتار تۇتقىنداردى بوساتۋ ءۇشىن بيلىكتىڭ قولدان كەلەتىننىڭ ءبارىن جاساپ وتىرعانىن ايتتى، ءبىراق تۇتقىنداردى اقشا تولەپ بوساتۋ تالابى تۋرالى ەش تۇسىنىكتەمە بەرگەن جوق.