استانادا رەسپۋبليكالىق دەڭگەيدەگى ءماۋلىت كەشى وتەدى
08:18, 20 - قاڭتار 2015
استانا. قازاقپارات - 24- قاڭتاردا استانا قالاسىنداعى كونگرەسس-حولل سارايىندا رەسپۋبليكالىق دەڭگەيدەگى ءماۋلىت كەشى وتەدى.
رۋحاني كەشتە عيبراتتى جىر-تەرمەلەر ورىندالىپ، تاربيەلىك ءمانى مول ساحنالىق قويىلىمدار كورسەتىلەدى. ۋاعىز ايتىلىپ، حالىق نازارىنا بەينەروليكتەر ۇسىنىلادى. كەشتىڭ ماڭىزى مەن ءمانىن ارتتىراتىن شارادا مۇحاممەد پايعامبارعا (س. ع. س) سالاۋاتتار وقىلادى.
ءماۋلىت كەشىنە قاتىسۋعا بيلەتتەردى استانا قالاسىنداعى مەشىتتەردەن الۋعا بولادى، دەپ حابارلانعان قازاقستان مۇسىلماندارى ءدىني باسقارماسىنىڭ رەسمي سايتىندا.
ەستەرىڭىزگە سالا كەتەيىك، قازىر يسلام ەلدەرىنىڭ بارلىعىندا دەرلىك مۇحاممەد (س. ع. س) پايعامباردىڭ تۋعان ايى ءماۋلىت مەرەكەسى اتالىپ وتىلۋدە.