«بۇل الەۋمەتتىك ەكسپەريمەنتتە ءبىز ادامداردىڭ رەاكسياسىن تەكسەرەمىز: جوعالعان ءامياندى بىزگە قايتارا ما، جوق پا؟»، - دەدى پرانكەرلەر.
ەكسپەريمەنت الماتىنىڭ ادامدار كوپ جۇرەتىن جەرلەرىندە ءتۇسىرىلدى - ساۋدا ورتالىقتارى، ساياباقتار. ولار كوپشىلىك جۇرەتىن جەردە ءاميانىن ءتۇسىرىپ الادى. اۆتورلاردىڭ ايتۋىنشا، ءوتىپ بارا جاتقانداردىڭ بارلىعى كومەكتەسكىسى كەلگەن، ءتۇسىرىپ العاندىعى جايلى حابار بەرىپ، يەسىنە قايتارىپ بەرگەن.
«تاڭ قالۋلارىڭىز مۇمكىن، ءبىراق ءتۇسىپ قالعان ءامياندى ادامداردىڭ 100 پايىزى قايتارىپ بەردى. بۇل جاعدايدى ەلەۋسىز قالدىرماي، ايتىپ، ءامياندى قايتارعانداردىڭ بارلىعىنا العىس ايتامىز»، - دەدى پرانكەرلەر ەكسپەريمەنتتىڭ قورىتىندىسىندا.
وسىعان دەيىن الماتىلىقتار «ءوزىن جايسىز سەزىنگەن ادام» الەۋمەتتىك ەكسپەريمەنتىن جاساعان ەدى. ونىڭ بارىسىندا ادامدار كومەكتەسە مە، الدە بەي-جاي قالدىرىپ كەتە بەرە مە - وسى باقىلاندى. ايتا كەتەيىك، ءتۇسىپ قالعان ءاميان جايلى ەكسپەريمەنت وزگە ەلدەردە دە ۇيىمداستىرىلعان ەدى.
«پرانك» ءسوزى - اعىلشىن تىلىنەن اۋدارعاندا «اۋمەسەرلىك، قىلىق، تەنتەكتىك، ءازىل» دەگەن ماعىنانى بىلدىرەدى. پرانكەرلەر، ادەت بويىنشا، ادامداردىڭ بەلگىلى ءبىر ىسكە قالاي قارايتىنىن، تۋىپ تۇرعان جاعدايدا نە ىستەيتىنىن باقىلايدى.