قازاقتىڭ اۋىزعا تۇكىرۋ سالتى تالقىعا سالىندى
«قىزۋقاندى، كوپ سويلەيتىن ادامدى «اۋزىنا شايتان تۇكىرگەندەي» دەپ اتاسا، ۇيدەگى كىشكەنتاي بالاعا قوناقتىڭ كوزى وتپەۋى ءۇشىن ودان جەرگە تۇكىرۋىن وتىنەدى» دەپ جازادى سايت.
ودان بولەك، اسپانعا، ايعا، شاڭىراق پەن قۇدىققا تۇكىرۋگە تىيىم سالادى.
«الايدا، ءبىر قىزىعى ادامنىڭ اۋزىنا تۇكىرۋگە رۇقسات ەتكەن. ارينە، بۇل جەردە ۇلكەن ادامدار ەمەس، كىشكەنتاي سابيلەردىڭ اۋزىنا كوپ تۇكىرتەدى. بۇدان جۇزدەگەن جىلدار بۇرىن ءسابيدىڭ اتا- اناسى تانىمال اقىن، مۋزىكانت، باتىر، ءبي نەمەسە ابىرويلى اقساقالدان بالانىڭ اۋزىنا تۇكىرۋدى سۇراعان»، - دەلىنگەن سايتتاعى جازبادا.
وسى ورايدا اتا-انا بالاسىنىڭ دا ابىرويلى، تانىمال بولعانىن قالاعان.
«ءتىپتى، بالانىڭ اۋزىنا تۇكىرتۋ ءۇشىن الىس جولدا ارتقا تاستاپ بارعان اتا-انالار دا بار. كەيىن وسى ىستەرىن ايتىپ، قوناقتارىنا ماقتانعان دا. وسىدان سوڭ، ءسابيى دارىنسىز بولمايدى دەپ ەسكەرتىپ وتىرادى»، - دەپ جازادى سايت.
بۇل ءداستۇر بۇرىنىراقتا ا ءجيى قولدانىلعانىمەن، ءبىزدىڭ زامانىمىزدا دا ۇمىت قالعان جوق. عالامتوردان تانىمال تۇلعالاردىڭ دا اۋزىنا تۇكىرگەنىن بىلۋگە بولادى.
«تانىمال عالىم بەيسەنباي كەنجەبايەۆتىڭ اۋزىنا داڭقتى اقىن ماعجان جۇمابايەۆ تۇكىرگەن. اتاقتى كۇيشى- كومپوزيتور نۇرعيسا تىلەنديەۆ قازىرگى تانىمال ءانشى مەيرامبەك بەسپايەۆتىڭ اۋزىنا تۇكىرىپتى»، - دەلىنگەن سايتتا.
ءانشى باعدات سامەدينوۆا مەن جازۋشى مارحابات بايعۇت تا وزدەرىنە «اۋىزعا تۇكىرىپ بەر» دەپ ءجيى ءوتىنىش ايتىلاتىنىن جاسىرماعان.
«مەنىڭ ءبىر دوسىم ءوز تانىمالدىعىن بالا كەزىندە اتاقتى ءانشىنىڭ تۇكىرگەنىمەن بايلانىستىرادى. ءسىز دە اتا-اناڭىزدان وسى تۋرالى سۇراپ كورىڭىز»، - دەپ ويىن تۇيىندەيدى اۆتور.
اتالعان سايتقا بايلانىستى تانىمال جۋرناليست عالىم بوقاش تا ءوز پىكىرىن ءبىلدىردى.
«وسىندا «بالانىڭ اۋزىنا تۇكىرۋ» سالتىن جاقتاپ، ءيا ايىپتاپ پىكىر تالاستىرعان دوستارىم: «بىرەۋدىڭ سىلەكەيى اۋزىڭا ءتۇسىپ كەتسە، سول ادامنىڭ د ن ق-سى دەنەڭە ءسىڭىپ كەتەدى، تابيعاتىڭنىڭ ءبىر بولشەگىنە اينالىپ كەتەدى» دەگەن تۇجىرىم ايتىپ قالىپتى. ەرىكسىز ويىما قۇمساعىزدى كەزەكتەسىپ شايناعان، جالعىز «اتەش» مۇز كامپيتتى جابىلىپ جالاعان، Coca Cola-نى ءبىر بوتەلكەنىڭ اۋزىنان ءبولىپ ىشكەن جانە باسقا دا ءتۇرلى جاعدايلاردا بايقاماي، ءيا بايقاپ سىلەكەي الماسقان زامانداستارىم ەسىمە ءتۇسىپ كەتتى»، - دەيدى ول.
«مەن بىلەتىن عىلىمي فاكتىلەر بۇل ماسەلەنى كىشكەنە باسقاشالاۋ سيپاتتايدى. ادامنىڭ تەرىسىنەن باستاپ، ىشەگىنە دەيىن بەلگىلى ءبىر ۋاقىت ارالىعىندا كلەتكا دەڭگەيىندە تولىق جاڭارىپ تۇرادى. بىلايشا ايتقاندا جىلىنا بىرنەشە مارتە فيزيولوگيالىق تۇرعىدان العاندا «جاڭا ادامعا» اينالامىز.
سول سەبەپتى «ىشتەگى ءبىر ۆاگون ادام» تۋرالى وي جاڭساق، ءارقايسىسى شەلەكتەپ تۇكىرگەن بولسا دا»، - دەگەن جۋرناليست ءوزىنىڭ Facebook جەلىسىندەگى پاراقشاسىندا.
NUR. KZ