«مەملەكەتتىك شەكارانىڭ قىرعىز- وزبەك ۋچاسكەسىن تورۋىلداعان شەكارا جاساعى الا- بۇقا اۋدانى اجەك ەلدى مەكەنىندە اڭشىلىقپەن اينالىسىپ ءجۇرىپ، زاڭسىز مەملەكەتتىك شەكارانى كەسىپ، قىرعىزستان اۋماعىنا وتكەن وزبەكستاندىق ءۇش ازاماتتى ۇستادى. ولار «قارۋدى تاستاپ، بەرىلىڭدەر» دەگەن تالاپقا باعىنباي، شەكاراشىلارعا وق اتقان»، - دەپ حابارلادى قىرعىزستاننىڭ مەملەكەتتىك شەكارا قىزمەتىنىڭ جۇرتشىلىقپەن بايلانىس جانە ب ا ق ءبولىمىنىڭ باسشىسى گۇلميرا بورىبايەۆا.
بورىبايەۆانىڭ ايۋىنشا، اتىس كەزىندە زاڭ بۇزۋشىنىڭ ءبىرى جارالاندى، قالعاندارىن وزبەكستاندىق شەكارا جاساعى مەملەكەتتىك شەكارا جەلىسىندە تۇتقىنعا الدى.