الماتىدا قازبا جۇمىستارى كەزىندە ءۇش بىرەگەي جادىگەر تابىلدى - فوتو

الماتى. قازاقپارات - الماتىدا قازبا جۇمىستارى كەزىندە ءۇش بىرەگەي جادىگەر تابىلدى.

قۇندى جادىگەرلەردى الاتاۋ اۋدانىنداعى «كوك قاينار» شاعىناۋدانىندا قازبا جۇمىستارى كەزىندە الماتى تاريحى مۇراجايىنىڭ ەكسپەديتسياسى انىقتادى.

بۇل تۋرالى قالالىق مادەنيەت باسقارماسىنىڭ باسپا ءسوز قىزمەتى حابارلادى.

تابىلعان زاتتاردىڭ ءبىرى ويناپ جاتقان مىسىق بالاسىنىڭ بەينەسى سومدالعان التىن ءمۇسىن ەكى پلاستيننەن قۇرالىپ، ءبىر كومپوزيتسياعا بىرىكتىرىلگەن. ءمۇسىن ءبىزدىڭ جىل ساناۋىمىزعا دەيىنگى IV عاسىرداعى باس كيىمنىڭ ماگيالىق كومپوزيتسياسى بولۋى مۇمكىن.

قازبا كەزىندە سونداي- اق التىن پلاستينكا تابىلدى. وندا باسىن سولعا بۇرىپ تۇرعان قىران قۇستىڭ بەينەسى زەرلەنگەن. ول ءبىزدىڭ جىل ساناۋىمىزعا دەيىنگى IV عاسىردا گەرالديكالىق سيمۆول رەتىندە پايدالانىلۋى مۇمكىن.

№2 قورعاننان سابى بار قورعاسىننان قۇيىلعان اينا تابىلدى. ەرنەۋى 2 س م بولاتىن قورعاسىن بەلدەۋمەن قاپتالعان. ديسك پەن بەلدەۋ بالقىتىلىپ بەكىتىلگەن. №1 قورعاننان تابىلعان كونە جادىگەر ءبىزدىڭ جىل ساناۋىمىزعا دەيىنگى Ⅱعاسىر - ءبىزدىڭ جىل ساناۋىمىزدىڭ Ⅱ عاسىرىندا پايدالانىمدا بولۋى مۇمكىن.

تابىلعان ارحەولوگيالىق مۇرالار قالا تاريحى مۇراجايىندا ساقتاۋلى.

اۆتور: گۇلميرا عوسمانالي