اۆتور حاتىندا 2012 - جىلى تامىزدا ۇلتتىق عىلىمي كارديوحيرۋرگيا ورتالىعىندا وزىنە دونورلىق جۇرەك ورناتۋ وتاسى جاسالعانىن جازعان.
«مىنە، ەكى جىلدان بەرى دونورلىق جۇرەكپەن ءومىر ءسۇرىپ كەلەمىن. بالا تاربيەلەپ، ەل قاتارلى ءومىر سۇرۋدەمىن. جۇرەك اۋىستىرۋ تۋرالى بەس جىل بۇرىن ارمانداي دا الماعان ەدىم. دەنساۋلىق ساقتاۋ سالاسىن دامىتۋعا ءسىزدىڭ تىكەلەي ارالاسۋىڭىزدىڭ ارقاسىندا ءبىز قازىر جوعارى تەحنولوگيالىق مەديتسينالىق كومەك الۋ مۇمكىندىگىنە يەمىز، بۇرىن ول تەك شەتەلدە جانە كوپ اقشاعا جاسالاتىن»، - دەلىنگەن حاتتا.
ايتا كەتەيىك، جانىبەك وسپانوۆ وتاندىق مەديتسينانى دامىتۋ ءۇشىن جاعداي جاسالعانىنا ريزاشىلىعىن ءبىلدىرىپ، سونىڭ ارقاسىندا ءومىر سۇرۋگە ەكىنشى مۇمكىندىك العانىن جازدى.
اۆتور حات سوڭىندا جەكە ءوزىنىڭ جانە وتباسىنىڭ اتىنان مەملەكەت باسشىسىنا مىقتى دەنساۋلىق پەن باقىت، ال بارشا قازاقستان حالقىنا باق-بەرەكە جانە يگىلىك تىلەگەن.
ەسكە سالا كەتەيىك، 2014 - جىلى قاراشا ايىندا نۇرسۇلتان نازاربايەۆ ءوزىن تۋعان كۇنىنە شاقىرعان 10 جاستاعى بالانىڭ حاتىنا جاۋاپ بەرگەنى حابارلانعان بولاتىن. ەرجان يسابايەۆ ەكى جاسىندا نۇرسۇلتان نازاربايەۆپەن كەزدەسكەن. «8 جىلداي ۋاقىت بۇرىن ناۋرىزباي باتىرعا ەسكەرتكىش اشىلىپ جاتقان، سول كەزدە ءبىز ەرجان ەكەۋمىز شاراعا كەلدىك. سويتسەك اشىلۋ سالتاناتىندا پرەزيدەنت نۇرسۇلتان نازاربايەۆ بولىپتى. ول بىزگە جاقىنداپ كەلىپ، ەرجاندى كوتەرىپ الدى، مەن «باتا بەرىڭىز» دەدىم. ءبىزدى سۋرەتكە ءتۇسىرىپ الدى. كەيىن وسى سۋرەتفورۋمدار مەن ب ا ق-تاردا ءجيى قولدانىلاتىنىن بايقادىق»، - دەدى بالانىڭ اكەسى باۋىرجان يسابايەۆ.