14- قاڭتاردا قازاقستان رەسپۋبليكاسى ءبىلىم جانە عىلىم مينيسترلىگى بالالاردىڭ قۇقىعىن قورعاۋ كوميتەتى « قازپوشتا» اكسيونەرلىك قوعامىمەن بىرلەسە وتىرىپ، « قازاق ەرتەگىلەرىنىڭ كەيىپكەرلەرى» تاقىرىبىندا «بالالار سۋرەت سالادى» ءتورت ماركالار توپتاماسىن اينالىمعا ەنگىزۋ سالتاناتىن وتكىزدى، دەپ حابارلانعان ق ر ب ع م سايتىندا.
ايتا كەتەيىك، بالالار قۇقىعىن قورعاۋ كوميتەتى 2014-جىلى بالالار ۇيلەرىنىڭ تاربيەلەنۋشىلەرى اراسىندا « قازاق ەرتەگىلەرىنىڭ كەيىپكەرلەرى» تاقىرىبىندا سۋرەت سالۋ كونكۋرسىن ۇيىمداستىرعان بولاتىن.
كونكۋرسقا قازاقستاننىڭ بارلىق وڭىرلەرىندەگى بالالار ۇيلەرىنىڭ تاربيەلەنۋشىلەرىنىڭ 200 دەن استام سۋرەتتەرى قاتىستىرىلدى. ونىڭ قورىتىندىسى بويىنشا جەڭىمپازدار رەتىندە جامبىل وبلىسىنان تاليپوۆ دميتري، باتىس قازاقستان وبلىسىنان مۋشتۋبايەۆا ەلۆيرا، قوستاناي وبلىسىنان سيدوروۆ الەكساندر، استانا قالاسىنان ۆاسيلەنكو رايسا انىقتالدى.
بايقاۋ قازاقستان رەسپۋبليكاسىنىڭ بالالار قۇقىعىن قورعاۋ تۋرالى كونۆەنتسيانى راتيفيكاتسيالاۋدىڭ 20 جىلدىعىمەن ۇشتاستىرىلعان.