ءومىرىڭىزدى جەڭىلدەتكىڭىز كەلسە

ول ماقساتىمىزعا از ۋاقىت جۇمساۋ ارقىلى جاقسى ناتيجەگە قول جەتكىزۋگە نەگىزدەلەدى. ونى ادامداردىڭ جالقاۋلىعىنىڭ ارقاسىندا تۋعان دەسەك، قاتەلەسپەيمىز.

ءبىز دە جالقاۋ جانداردى ۇناتپايمىز، دەسە دە ۋاقىتىڭىزدى ۇنەمدەۋگە سەپتىگى تيەر دەگەن نيەتپەن لايفحاكتىڭ بىرنەشە ءتۇرىن ۇسىنۋدى ءجون كوردىك.

♣ تەلەفون ارقىلى سويلەسىپ تۇرعان ادامنىڭ ەسىمىن مىندەتتى تۇردە سۇراڭىز. ونىڭ ەسىمىن بىلگەن سوڭ كەز كەلگەن سۇراعىڭىزدى يەسىنە باعىتتاي الاسىز. مۇنىمەن قاتار، بۇل سەنىمىنە كىرۋگە كومەكتەسەدى.

♣ سپاگەتتي تاياقشاسىن ۇيدە جارىق ءسونىپ قالعان كەزدە پايدالانۋىڭىزعا بولادى. ونىڭ ماي شامدى الماستىرۋ قاسيەتى بار.

♣ وڭاي كيىلەتىن اياق كيىمدى جۇمىسقا اكەلىپ، ۇستەلدىڭ سوڭعى تارتپاسىندا ساقتاڭىز. بۇل ىڭعايىسسىز اياق كيىمدى ۋاقىتشا شەشىپ، ەنەرگياڭىزدى ۇنەمدەۋگە كومەكتەسەدى.

♣ اياق كيىمدى اۋىستىرعان سوڭ كەڭسەنىڭ ىشىندە ءبىراز ۋاقىت سەرۋەندەڭىز. ەگەر جينالىس باستالسا، نەبارى 1 مينۋت ىشىندە ادەمى اياق كيىمىڭىزدى كيىپ الاسىز.

♣ 20 مينۋتتان سوڭ سۇيىكتىڭىزبەن كەزدەسۋگە بارۋىڭىز كەرەك. ال تىرناعىڭىزداعى مانيكيۋرىڭىز ءالى كەپپەي جاتىر. مۇنداي جاعدايدا ساۋساقتارىڭىزدى سۋىق سۋ قۇيىلعان ىدىسقا 3 مينۋتقا سالىڭىز. وسىلايشا تىرناقتاعى مانيكيۋر تەز كەۋىپ، كەزدەسۋىڭىزگە ۇلگەرۋىڭىز مۇمكىن.

♣ ۇنەمى سمارتفونعا ارنالعان قۋاتتاعىشىڭىزدى الىپ ءجۇرىڭىز. ونى قوساتىن جەر مىندەتتى تۇردە تابىلادى.

 ♣ مىجىلىپ قالعان جاستىعىڭىزدى بۇرىنعى قالپىنا كەلتىرگىڭىز كەلسە، كۇن استىنا 30 مينۋتقا قويىڭىز.

 ♣ ەگەر بىرەۋگە حابارلامانى قاتەلەسىپ جىبەرىپ قويساڭىز، بىردەن تەلەفونىڭىزداعى «اۋە رەجيمىن» قوسىڭىز. سول كەزدە جەلى دۇرىس جۇمىس جاساماعاندىقتان، حابارلاماڭىز بارماي قالادى.

♣ قىسقاتولقىندى پەش تاماقتىڭ شەتكى بولىگىن جاقسى جىلىتاتىندىقتان، تاماقتى تارەلكەنىڭ وسى بولىگىنە ورنالاستىرۋعا تىرىسىڭىز.

massaget.kz