«بۇل - ءانشى نۇرلان ەسپانوۆتىڭ يدەياسى. ول ۇلكەن مەديا- ورتالىق اشۋدا. ماقساتى - مادەنيەت سالاسىندا وزگە ەلدەرمەن ىنتىماقتاستىق ورناتۋ. ول ينديرامەن جۇمىس ىستەۋدى ۇسىندى. ونىڭ بولاشاعى بار ەكەنىنە سەنىپ، پروديۋسەرلىك قىزمەتتى باستاۋعا بەل بۋدىم. ارينە، كوپ ويلاندىم، ول قىزدى دا ءبىراز سىنادىم. ول ءوز كارەراسىن ەندى عانا باستاپ كەلەدى، الايدا ءبىرقاتار كونسەرتتەرگە قاتىسىپ ۇلگەردى. اندەرىنىڭ بىرىنە كليپ تە تۇسىرگەن»، - دەدى م. اۋەلبەكوۆا.
ينديرا ەلەمەس، ءوز كەزەگىندە، بالا كەزىنەن ۇلكەن ساحنادان ونەر كورسەتۋدى ارماندايتىنىن ايتتى. «وڭتۇستىك قازاقستان وبىلىسى ارىس قالاسىندا تۋعانمىن. قازىر الماتىدا تۇرامىن. بالالىق شاعىمدا اناما ايتپاي مۋزىكالىق مەكتەپكە وقۋعا ءتۇستىم. ول قارسى بولسا دا، مەن ءان ايتۋدى توقتاتپاي، ونەرىمە، ءوز- وزىمە سەنىمدى بولدىم. ءمولدىر بۇل سالانى جاقسى بىلەدى. سوندىقتان بىرلەسكەن جۇمىس ءوز ناتيجەسىن بەرەدى دەپ ويلايمىن»، - دەدى ي. ەلەمەس.
م. اۋەلبەكوۆانىڭ سوزىنە قاراعاندا، اقپان ايىندا شەتەلدە العاشقى بىرلەسكەن كليپ تۇسىرىلمەك.
ءمولدىر ءوزىنىڭ ءانشى رەتىندەگى قىزمەتىن دە توقتاتپايتىنىن ايتتى. اتا- اناسىنىڭ تاراز قالاسىنان الماتىعا كوشۋلەرىنە بايلانىستى شىعارماشىلىق قىزمەتىندە ءسال كىدىرىس جاساعانىن ايتتى.