شىركەۋ قىزمەتكەرى مۇسىلمان قىزدارىن ۇلگى قىلدى
پراۆوسلاۆ سۆياشەننيگىنىڭ پىكىرىنشە، مۇسىلمان ايەلدەرى وزدەرىنىڭ يماندىلىعىمەن ەرەكشەلەنەدى. شىركەۋ قىزمەتكەرىنىڭ بۇل سوزدەرىن «ينتەرفاكس» اگەنتتىگى حابارلاپ وتىر.
«مۇسىلماندار ار-ۇياتتى ساقتاۋ تۇرعىسىنان، سونىڭ ىشىندە وتباسىلىق ءومىر ماسەلەلەرىندە شوقىنعان ادامداردان (مەن ولاردى حريستيان دەي المايمىن) اسىپ ءتۇسىپ وتىر»، - دەدى ول.
بۇل ماسەلەدە سميرنوۆ ەڭ ءبىرىنشى تەلەارنالاردى سىنعا الدى: «1945-جىلى بىزدە بارلىق قىزدار پاكتىگىنەن ايىرىلماعان بولاتىن. كەيىن وسىنىڭ ءبارى ەسترادانىڭ، تەلەارنانىڭ، ۇياتسىز ادەبيەتتىڭ كەسىرىنەن بۇزىلدى».
سونىمەن قاتار، سۆياشەننيك ازاماتتىق نەكەگە دە قارسىلىعىن ءبىلدىردى. جالپى، سوڭعى كەزدەرى وپش جەتەكشىلەرى مۇسىلماندارمەن جاقىنداسۋ ماسەلەسىن ءجيى كوتەرىپ كەلەدى. مىسالى، پروتويەرەي ۆسيەۆولود چاپلين پراۆوسلاۆتاردى مۇسىلماندارمەن تىزە بىرىكتىرە وتىرىپ، قازىرگى تاڭداعى ەكونوميكالىق جۇيەمەن كۇرەسۋگە شاقىرعان بولاتىن.
islam-orkeniet.kz