وبلىس ورتالىعىنداعى دۇكەندەر مەن بازارلارداعى بالالارعا ارنالعان كولىك ورىندىقتارىنا سۇرانىس پەن ۇسىنىس مونيتورينگىنىڭ مالىمەتتەرى بويىنشا، مۇنداي تاۋارلاردىڭ باعاسى ورتاشا ەسەپپەن العاندا ءۇش ەسەگە وسكەن.
اۆتوكرەسلولار باعاسى قازىر 22 مىڭنان 36 مىڭ تەڭگەگە دەيىن، جاقىندا عانا 2,5 مىڭ تەڭگەدەن ساتىلعان «بالالارعا ارنالعان ۇستاۋ قۇرالدارىنىڭ» باعاسى بۇگىندە 7-8 مىڭ تەڭگە كولەمىندە بولىپ تۇر. بۇل رەتتە وسىنداي تاۋارلاردىڭ تاپشىلىعى بايقالۋدا.
«قاڭتار ايىنان باستاپ بالالاردى ارنايى اۆتوكرەسلولارىمەن تاسىمالداۋىمىز كەرەك، ولار تاپشى. تابىلعانىمەن، باعالارى وتە قىمبات. 3-5 بالاسى بار اتا- انالار قايتپەك؟ بىزدە كوپبالالى وتباسىلار كوپ قوي»، - دەپ ءوز پىكىرىمەن ءبولىستى كولىك جۇرگىزۋشىسى الەكساندر ۆيشنيەۆسكي.
بۇدان باسقا، تارازداعى تاكسي جۇرگىزۋشىلەرى 7 - قاڭتاردان كەيىن بالالى ايەلدەردى كولىكتەرىنە مىنگىزبەيتىن بولعانى دا بايقالۋدا.