كۋبانىڭ ەكس-پرەزيدەنتى ءوزىنىڭ ءتىرى ەكەنىن ايتىپ، ديەگو مارادوناعا حات جازدى
08:11, 13 - قاڭتار 2015
استانا. قازاقپارات - كۋبانىڭ ەكس-پرەزيدەنتى فيدەل كاسترو اتى اڭىزعا اينالعان فۋتبولشى ديەگو مارادوناعا ءوزىنىڭ ءتىرى ەكەنىن دالەلدەپ، حات جولدادى، دەپ جازادى ر ب ك.
حاتتىڭ فوتوكوشىرمەسى TeleSUR لاتىن امەريكالىق تەلەارناسىندا جاريالاندى.
الايدا، دەرەك كوزىنىڭ جازۋىنشا، حاتتا كاسترونىڭ ءوزى تۇسكەن سوڭعى سۋرەت جوق ەكەنى ايتىلادى. سەبەبى، سوڭعى رەت 2014-جىلدىڭ قاڭتار ايىندا گاۆاناداعى كوركەم سۋرەت كورمەسىن تاماشالاعاننان بەرى كاسترو جۇرت كوزىنە تۇسپەگەن.
اتاقتى ساياساتكەر 2006-جىلى وتستاۆكاعا كەتىپ، بيلىكتى ءىنىسى راۋل قولىنا العان. سودان بەرى كاسترو قوعامدا كورىنبەي تەك، ءالسىن-ءالسىن Escambray باسىلىمىنا ماقالالار بەرىپ تۇرادى.