ەكولوگتار: مىسىق ايۋلاردىڭ جويىلىپ كەتۋ قاۋپى بار

استانا. قازاقپارات - ا ق ش جانە قىتاي ەكولوگتارى ۇلكەن پاندالاردىڭ جويىلىپ كەتۋ قاۋپى باسىم ەكەنىن ەسكەرتتى، دەپ جازادى rosbalt.ru.

ولاردىڭ جاپپاي جويىلۋىنا كليماتتىق وزگەرىستەر سەبەپ بولماق.

سونىمەن، عالىمداردىڭ ايتۋىنشا، 2070 - جىلى ۇلكەن پاندالاردىڭ سانى ەكى ەسەگە تومەندەۋى مۇمكىن. بۇل ۋاقىتقا دەيىن ولاردىڭ تىرشىلىك ەتەتىن الاڭى 52,9 پايىزدان 71,3 پايىزعا دەيىن ازايادى. قالعان اۋماقتار ءبىر-بىرىنەن الشاقتاي تۇسەدى، ءتىپتى ءبىر-بىرىنەن بايلانىسىن ءۇزۋى دە مۇمكىن. كەلەشەكتە بۇل ولاردىڭ سانىنىڭ ەداۋىر ازايۋىنا اكەلەدى دەگەن بولجام جاسالۋدا.

2100 - جىلى، ولاردىڭ بولجامى بويىنشا، ورتاشا تەمپەراتۋرا بىرتىندەپ كوتەرىلەتىن سىڭايلى. ءارى قىتايدا پاندالار مەكەندەيتىن جەرلەردە جول، قالا قۇرىلىستارى سالىنۋى ىقتيمال.