«قازىبەك ءبي اۋداندىق سوتىنىڭ 2015 - جىلعى 12 - قاڭتارداعى قاۋلىسىمەن ب. ابدىشەۆتىڭ قاماق مەرزىمى 2015 - جىلعى 23 - اقپانعا دەيىن ءبىر ايعا ۇزارتىلدى»، - دەدى ا. جوشيەۆا.
قاماق مەرزىمى تەرگەۋ ءبولىمىنىڭ ءوتىنىشى بويىنشا ۇزارتىلماق، وسىلايشا، ب. ابدىشەۆ بەس اي قاماۋدا بولادى.
ب. ابدىشەۆتىڭ ءتورت ايلىق قاماۋ مەرزىمى 2015 - جىلعى 23 - قاڭتاردا اياقتالادى.
ەسكە سالساق، قاراعاندى وبلىسىنىڭ ەكس-اكىمىنە «اۋىر سالدارعا اكەلگەن قىزمەتتىك مىندەتىن تەرىس پايدالانۋ» ق ر ق ك 307-بابى 4 - ءبولىمى بويىنشا ايىپ تاعىلعان. تەرگەۋ نۇسقاسى بويىنشا ابدىشەۆ جولعا توسەيتىن پليتا شىعاراتىن «ەۋروستاندارت قاراعاندى» ج ش س زاۋىتىنىڭ مۇددەسىن پايدالانعان. ءىس ماتەريالدارىنا سايكەس كاسىپورىن ونىڭ تانىسىنىڭ اتىنا رەسىمدەلگەن. «ەۋروستاندارت قاراعاندى» ج ش س مەن «مادەنيەت، دەمالىس، ساياباقتار باسقارماسى» ك م ك اراسىنداعى 2012 - جىلى قاڭتار مەن مامىردا جاساسقان ەكى شارتتىڭ سوماسى 1,2 ميلليارد استام سومانى قۇرايدى.
ەسكە سالساق، ب. ابدىشەۆ قاراعاندى وبلىسىنىڭ اكىمى بولىپ 2013 - جىلى قاڭتاردا تاعايىندالعان. 2014 - جىلعى ماۋسىمدا ءوز ەركىمەن وتستاۆكاعا كەتتى.