يسا (ع. س.) پايعامبار ءرولىن مۇسىلمان جىگىتى سومدايدى

استانا. قازاقپارات - National Geographic الەمدىك تەلەارناسى ءتۇسىرىپ جاتقان «يسانىڭ (ع. س.) ءولىمى» اتتى كينونىڭ باستى كەيىپكەرىنە مۇسىلمان جىگىت تاڭدالدى. الايدا، بۇل تاڭداۋ سىنشىلار تاراپىنان كەكەسىنگە تولى كوپتەگەن پىكىرلەردىڭ تۋىنداۋىنا جول اشتى، دەپ حابارلادى www.muslim.kz.

ال، حاز سۇلەيمان ەسىمدى مۇسىلمان جىگىتى: «بىزدەر يسانىڭ (ع. س.) دا اللا تاعالا ەلشىسى ەكەنىنە كۇمانسىز سەنىپ، ونى قۇرمەتتەيمىز. الايدا، ونى كوپتەگەن جاندار بىلە بەرمەيدى»، - دەيدى. «مۇسىلمان جان ۇياسىندا ەر جەتكەن مەن ءۇشىن يسا (ع. س.) پايعامبار ءرولىن سومداۋ - ۇلكەن قۇرمەت».

ال، ءوز اتىنا ايتىلىپ جاتقان سىنعا سۇلەيمان بىلاي دەپ جاۋاپ قايتاردى: «مەن يسا (ع. س.) ءۇشىن جاۋاپ قايتارا المايمىن، ءبىراق ونىڭ ءسوزىن مىسالعا كەلتىرگىم كەلەدى. جاقىنىڭدى وزىڭنەن ارتىق جاقسى كور!».

سۇلەيمان وزىنە وسى ءرول بۇيىرعانىن ەستىگەندە العاش اناسىنا قوڭىراۋ شالىپ، رۇقسات سۇراعانىن جەتكىزدى.