ىستامبۇلدا ءوزىن جارىپ جىبەرگەن جانكەشتى رەسەيلىك بولىپ شىقتى
20:14, 08 - قاڭتار 2015
استانا. قازاقپارات - ىستامبۇلدىڭ پوليتسەيلىك ۋچاسكەسىندە جارىلىس ۇيىمداستىرعان جانكەشتى رەسەيلىك ازاماتشا بولىپ شىقتى، دەپ حابارلادى تۇركيا ىشكى ىستەر مينيسترلىگى.
بيلىك ورىندارىنىڭ اقپاراتىنا قاراعاندا، ونىڭ اتى-ءجونى ديانا رامازوۆا، دەپ جازادى بي- بي- سي.
6 - قاڭتارداعى وقيعا سالدارىنان پوليتسەي قازا تاۋىپ، ونىڭ ارىپتەسى جارالانعان.
شابۋىل جاساۋ الدىندا بۇل ايەل تاكسي جۇرگىزۋشىسىمەن ورىسشا سويلەسكەنى حابارلانادى.
سارسەنبى كۇنى جارىلىسقا جاۋاپكەرشىلىكتى تۇركيادا تىيىم سالىنعان «رەۆوليۋتسيالىق ازات ەتۋ حالىقتىق مايدانى» ماركستىك توبى ءوز مويىندارىنا العان.