قازاقستاننىڭ ءبىرقاتار جۋرناليستەرى فرانسيادا قازا بولعان ارىپتەستەرىن ازا تۇتتى
13:18, 08 - قاڭتار 2015
الماتى. قازاقپارات - قازاقستان جۋرناليستەرى فرانسيادا ەلىنىڭ قايعىسىنا ورتاقتاسىپ، الماتىداعى فرانسيا كونسۋلدىعى عيماراتىنىڭ الدىنا گۇل شوقتارىن قويدى.
وسىلايشا، 30 دان اسا تەلەارنالار، مەرزىمدى باسىلىمدار مەن ينتەرنەت باسىلىمدارىنىڭ جۋرناليستەرى فرانسيادا قازا بولعان ارىپتەستەرىن ازا تۇتتى.
ءوز كەزەگىندە الماتىداعى فرانسيا كونسۋلدىعىنىڭ وكىلدەرى جۋرناليستەردىڭ قايعىلارىنا ورتاقتاسقانىنا العىس ايتىپ، بولعان جايتقا ەشقانداي تۇسىنىكتەمە ايتىپ، پىكىر قوسا المايتىندىعىن جەتكىزدى.
«ءسوز بوستاندىعى سالتانات قۇراتىن فرانسيالىق ارىپتەستەرىمىزدىڭ باسىندا وسىنداي قايعىلى جاعداي ورىن العانى وتە وكىنىشتى. البەتتە، ءبىزدىڭ ەلدە دە ۇلكەن تالقىلاۋلار تۋعىزاتىن داۋلى تاقىرىپتار از ەمەس. ءبىزدىڭ قوعام دا وتكىر قابىلداي باستادى. قۇرمانعازى-پۋشكين وقيعاسىن ەسكە تۇسىرسەڭىزدەر بولعانى»، - دەدى قازاقستان جۋرناليستەر توبىنىڭ اكىمشىسى مارجان ەلشىبايەۆا.
اۆتور: گۇلميرا عوسمانالي