يندونەزيانىڭ ىزدەۋ جانە قۇتقارۋ اگەنتتىگى ۇشاقتىڭ ارتقى بولىگىن تاپقان. بۇعان دەيىن سۋرابايا قالاسىنىڭ اۋەجايىنا قازا تاپقان ەكى جولاۋشىنىڭ ءمايىتى جەتكىزىلگەن بولاتىن. ازاماتتاردىڭ كىم ەكەنى انىقتالعاننان كەيىن مايىتتەر تۋىستارىنا جەرلەۋگە بەرىلەدى، دەپ حابارلايدى ك ت ك.
«ەير ازيا» كومپانياسىنا تيەسىلى ۇشاق 28- جەلتوقساندا اپاتقا ۇشىراعان ەدى. سۋرابايادان سينگاپۋرگە ۇشقان اۋە كولىگى 40 مينۋتتان سوڭ باقىلاۋ قۇرىلعىلارىنىڭ ەكرانىنان كورىنبەي كەتتى. ياۆا تەڭىزىنە قۇلاعان ۇشاق بورتىندا 162 ادام بولعان. قازىر ولاردىڭ ءبارى قازا تاپتى دەگەن بولجام بار.