قاراعاندىداعى ۇمىتىلعاندار فيلمى بريلليانت سىيلىعىنا يە بولدى

استانا. قازاقپارات - «قاراعاندىداعى ۇمىتىلعاندار» فيلمى 2014 - جىلعى ۇزدىك دەرەكتى فيلمى اتانىپ، California Film Awards-تىڭ (Diamond Awards, Documentary Film Competition) بريلليانت سىيلىعىنا يە بولدى، دەپ حابارلادى ق ر س ءى م باسپا ءسوز قىزمەتىنەن.

2014 -جىلى «Nexos» قاۋىمداستىعىنىڭ وكىلدەرى ق ر س ءى م قارجىلاي قولداۋىمەن قارلاگتا قامالعان يسپاندىقتار تۋرالى تولىق مەتراجدى 50 مينۋتتىق فيلم ءتۇسىردى.

بۇعان 2013 - جىلى قىركۇيەكتە ەلباسى ن. نازاربايەۆ يسپانيا ۇكىمەتىنىڭ ءتوراعاسى م. راحويعا قارلاگتا قاماۋدا بولعان يسپاندىقتاردىڭ 152 مۇراعات ءىسىن جولداعان. قازاقستان بۇرىن ك س ر و قۇرامىندا بولعان ەلدەردىڭ ىشىندە العاش بولىپ رەسمي تۇردە يسپانياعا مۇراعات قۇجاتتارىن جىبەردى.

فيلمدە كۋاگەرلەردىڭ مالىمدەمەلەرى، يسپاندىقتاردىڭ قارلاگقا ءتۇسۋ جاعدايى كورىنىس تاپقان.

2014 - جىلدىڭ 18- قاراشاسىندا يسپانياداعى قازاقستان ەلشىلىگى EFE حالىقارالىق اقپارات اگەنتتىگىنىڭ قولداۋىمەن رەسمي تۇردە «قاراعاندىداعى ۇمىتىلعاندار» فيلمىن  تانىستىردى.