ەرتەڭ الماتىدا جالپىحالىقتىق سپورت شاراسى وتەدى

الماتى. قازاقپارات - ەرتەڭ الماتىلىقتار جاپپاي جۇگىرۋگە شىعادى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.

شارا تاڭعى ساعات 9:00 دە تۇڭعىش پرەزيدەنت ساياباعىندا باستالادى.

اتالعان فلەشموبتىڭ ەرەكشەلىگى، وعان قازاق سپورتىنىڭ اتى اڭىزعا اينالعان جۇلدىزدارى قاتىسادى. ك س ر و ەڭبەك سىڭىرگەن سپورت شەبەرى، ەۋروپانىڭ ەكى دۇركىن چەمپيونى سەرىك نۇرقازوۆ، ازيا، افريكا، اۆستراليانىڭ ءشول دالالارىن جالعىز باسىپ وتكەن، جەتى رەت گيننەس رەكوردىن جاڭارتقان، حالىقارالىق دارەجەدەگى سپورت شەبەرى مارات جىلانبايەۆ، قازاقستاننان شىققان تۇڭعىش ترياتلونشى باۋىر كاريپوۆ، الپينيست، الەمدەگى  سەگىز مىڭ مەترلىك 14 شىڭدى باعىندىرعان تۇڭعىش قازاق ماقسۇت جۇمايەۆ، سپورت شەبەرى مۇراتحان توقمادي، بوكستان قازاقستاننىڭ ەڭبەك سىڭىرگەن باپكەرى، قازاقستان ترياتلون فەدەراتسياسىنىڭ پرەزيدەنتى نۇريددين داۋزوۆ 3 جانە 10 شاقىرىمدىق قاشىقتىقتى باعىندىرادى.

ولارمەن بىرگە كەز-كەلگەن الماتىلىق جۇگىرۋگە قاتىسا الادى.

اتالعان شاراعا بايلانىستى ەرتەڭ ءال-فارابي كوشەسىنىڭ شىعىس باعىتى تاڭعى ساعات 9 دان تۇسكى ساعات 13:00-گە دەيىن جابىق بولادى.

اۆتور: گۇلميرا عوسمانالي