لاڭكەستەرگە قىلمىستارىنا بايلانىستى جاۋاپكەرشىلىك قاتاڭداتىلدى
18:16, 06 - قاڭتار 2015
استانا. قازاقپارات - لاڭكەستەر راقىمشىلىق پەن مەرزىمىنەن بۇرىن شارتتى تۇردە بوساتۋ قۇقىقتارىنا يە بولا المايدى.
بۇل تۋرالى بۇگىن ەلوردا اكىمدىگىندە وتكەن قىلمىستىق كودەكستىڭ جاڭا باپتارىن تۇسىندىرۋگە باعىتتالعان سەميناردا استانا قالاسى ىشكى ىستەر دەپارتامەنتى باسشىسىنىڭ ورىنباسارى سانجار ءادىلوۆ ءمالىم ەتتى.
«لاڭكەستىك جانە ەكسترەميستىك قىلمىستار ءۇشىن جاۋاپكەرشىلىك قاتاڭداتىلعان. ولار بويىنشا راقىمشىلىق، مەرزىمىنەن بۇرىن شارتتى تۇردە بوساتۋ، جاۋاپكەرشىلىكتى جەڭىلدەتۋ قۇقىقتارى قولدانىلمايدى، كەرىسىنشە ول قىلمىستارعا جاۋاپكەرشىلىك قاتاڭداتىلدى»، - دەدى ول.
سونىمەن قاتار قىلمىستىق ىستىڭ مەرزىمدىك شەكتەلۋى دە بولمايدى.
ەسكە سالا كەتەيىك، قىلمىستىق كودەكستىڭ جاڭا رەداكسياسى 2015 - جىلدىڭ 1 - قاڭتارىندا كۇشىنە ەنگەن بولاتىن.
اۆتور: جاسۇلان جولدىبايەۆ