الماتىدا ب ۇ ۇ كوميتەتىنىڭ ازيا مەن ت م د ەلدەرىندەگى وكىلدىگى اشىلدى

الماتى. قازاقپارات - الماتىدا ب ۇ ۇ- نىڭ «ادام قۇقىعىن قورعاۋ حالىقارالىق كوميتەتى» قاۋىمداستىعىنىڭ وكىلدىگى اشىلدى.

اشىلۋ راسىمىنە كوميتەتتىڭ ازەربايجان، گرۋزيا، كورەيا، قىرعىزستان، وزبەكستان، رەسەي جانە تاعى باسقا ءبىرقاتار الىس- جاقىن شەت ەلدەرىنىڭ ۋاكىلدەرى قاتىستى.

 شارا بارىسىندا ب ۇ ۇ- نىڭ ادام قۇقىعىن قورعاۋ حالىقارالىق كوميتەتىنىڭ پاريجدەگى اكىمشىلىك كەڭەسىنەن ارنايى كەلگەن ءانۋار نيازوۆ وكىلدىك پرەزيدەنتى ابەن نۇرمانوۆقا ديپلوماتيالىق ءتولقۇجات پەن ديپلوماتيالىق كورپۋس بەلگىسى بار اۆتوكولىك جانە ونىڭ تەحنيكالىق قۇجاتتارىن، جۇرگىزۋشىلىك كۋالىگىن تابىس ەتتى.

«ب ۇ ۇ- نىڭ ادام قۇقىعىن قورعاۋ حالىقارالىق كوميتەتىنىڭ وكىلدىگىن اشۋ تۋرالى ءوتىنىش قازاقستاننىڭ ادىلەت مينيسترلىگىنە 2 جىل بۇرىن بەرىلگەن بولاتىن. 2013 - جىلى 24 - قىركۇيەكتە «ادام قۇقىعىن قورعاۋ حالىقارالىق كوميتەتى» قاۋىمداستىعىنىڭ اكىمشىلىك كەڭەسىنىڭ قاۋلىسىمەن بەكىتىلگەن قازاقستانداعى وكىلدىكتىڭ ەرەجەسى 2014 - جىلدىڭ 29 - جەلتوقسانىندا ق ر ادىلەت مينيسترلىگىنىڭ تىركەۋ كوميتەتىندە تىركەلدى.

 بۇل بۇرىنعى كەڭەستىك كەڭىستىكتە اشىلىپ وتىرعان العاشقى وكىلدىك بولىپ وتىر. كەڭسەسى الماتى قالاسىندا ورنالاساتىن بۇل وكىلدىكتىڭ الداعى ۋاقىتتا قازاقستاننىڭ بارلىق وبلىستارىندا ۋاكىلدەرى قىزمەت جاسايتىن بولادى. وكىلدىك سونداي- اق، قازاقستان عانا ەمەس جاپونيا، كورەيا، قىتاي، موڭعوليا جانە ورتالىق ازيا مەن ت م د ەلدەرىندەگى ۋاكىلدەرىنە جەتەكشىلىك ەتەدى»، - دەيدى ادام قۇقىعىن قورعاۋ حالىقارالىق كوميتەتىنىڭ وكىلى ءانۋار نيازوۆ.

 ونىڭ ايتۋىنشا، ب ۇ ۇ- نىڭ بۇل كوميتەتى ساياساتقا جانە تاعى باسقالارعا ارالاسپايدى، تەك ادام قۇقىعىن قورعاۋمەن اينالىسادى. ول ۇلتىنا، ناسىلىنە، ازاماتتىعىنا قاراماستان كەز كەلگەن ادامنىڭ ءوز قۇقىعىنىڭ قورعالۋىن قامتاماسىز ەتىپ، ءتۇسىندىرۋ جۇمىستارى بويىنشا ءتۇرلى سەمينار، ترەنينگتەر ۇيىمداستىرادى.

 ال «ادام قۇقىعىن قورعاۋ حالىقارالىق كوميتەتى» قاۋىمداستىعىنىڭ قازاقستانداعى وكىلدىگى كومەككە مۇقتاج ەۋروپالىق جانە الەمدىك زاڭدى تۇلعالاردىڭ سۇراقتارىنا قاتىستى كومەكتەسىپ، ادام قۇقىعى تۋرالى جالپىعا بىردەي دەكلاراتسيادا جانە وسىنداي سيپاتتاعى حالىقارالىق حارتيالاردا جازىلعان يدەيانى تۇرعىندار اراسىندا تاراتۋ، گۋمانيتارلىق جانە قايىرىمدىلىق اكسيالارىن جۇزەگە اسىرۋ ماقساتىندا جۇمىس جاساۋ، بۇقارالىق اقپارات قۇرالدارى، باسپا بەتتەرى جانە ەلەكتروندى جۇيە (ينتەرنەت) كومەگىمەن ادام قۇقىعى ءۇشىن كۇرەستە جەتىستىككە جەتكەندەردى قۇرمەتتەۋ، ەلەۋدى كەرەك ەتەتىن تۇلعالار جانە ۇيىمدار تۋرالى اقپارات تاراتۋ، قارجىلىق جانە كەڭەستىك قولداۋ بويىنشا قىزمەت كورسەتەدى.