بەلگىلى بولعانىنداي، قانات يسلامنىڭ كومانداسى قارجىلاندىرۋعا قاتىستى ءوز ساۋالىن جولداعان. ول جەكپە-جەكتەرىن ۇيىمداستىرۋعا كەتەتىن شىعىندارعا عانا قارجى ءبولۋدى سۇراعان. ەستەرىڭىزدە بولسا، وتكەن جىلى گەننادي گولوۆكين دە كلۋبقا ءوتۋ ءۇشىن كەلىسسوزدەر جۇرگىزىپ جاتقاندا ءدال وسى قارجىلىق جاعىنا كەلگەندە ءبىراز كەلىسپەۋشىلىكتەر تۋىنداعان بولاتىن.
«قانات يسلام بولاشاعى زور بوكسشى، وعان كاسىبي تۇرعىدا كوپ قولداۋ قاجەت. قاناتقا وتە مىقتى ءارى داڭقتى بوكسشىلارمەن جەكپە-جەكتەر ۇيىمداستىرۋ كەرەك»، - دەيدى بوكس سالاسىنداعى ساراپشى سەرگەي زاۆيلەيسكي.
ايتا كەتۋ كەرەك، قانات يسلام بۇگىنگە دەيىن كاسىبي كارەراسىندا 18 جەكپە-جەك وتكىزىپ، بارلىعىندا جەڭىسكە جەتكەن (15 نوكاۋت). ول «استانا» كلۋبىنا وتۋگە وتكەن جىلدىڭ قىركۇيەگىندە ۇسىنىس بىلدىرگەن. 30 جاستاعى بوكسشى قازىر الەمنىڭ ۇزدىك سپورتشىلارىنىڭ تىزىمىندە.