قازاقتان شىققان دۋما دەپۋتاتتارى كىمدەر؟
1905- جىلدىڭ تامىزىندا II نيكولاي پاتشا زاڭ شىعارۋشى وكىلەتتى ورگان رەتىندە مەملەكەتتىك دۋما قۇرۋ تۋرالى مانيفەسكە قول قويدى. ءبىراق ول مانيفەست بويىنشا، قازاق حالقىنىڭ سايلاۋعا جانە سايلانۋعا قۇقىعى جوق بولاتىن.
بۇل جايت قازاقتاردىڭ اراسىندا نارازىلىق تۋعىزىپ، قازاق زيالىلارى ءوز وكىلدەرىن دەپۋتاتتىققا سايلاۋ كەرەكتىگى جونىندە باتىل تالاپ قويا ءبىلدى.
سونىڭ ناتيجەسىندە 1906- جىلعى I مەملەكەتتىك دۋماعا قازاقتاردان تورعاي وبلىسىنان - احمەت ءبىرىمجانوۆ، ۋفا گۋبەرنياسىنان - سالىمگەرەي جانتورە، ورال وبلىسىنان - الپىسباي قالمەن ۇلى، استراحان گۋبەرنياسىنان - باقتىگەرەي قۇلمانوۆ، اقمولا وبلىسىنان - شايمەردەن قوسشىعۇل ۇلى، سەمەي وبلىسىنان ءاليحان بوكەيحانوۆتار سايلاندى.
ءبىراق رەسەيدىڭ I مەملەكەتتىك دۋماسى نەبارى 73 اق كۇن جۇمىس ىستەدى. ارتىنشا، -1907 جىلى II مەملەكەتتىك دۋماسى جاساقتالعانىمەن، ول دۋمانىڭ دا قىزمەتى ۇزاققا سوزىلماي، نەبارى 104 كۇن عانا جۇمىس جاسادى.
«الاش ايناسى»