ۆەنەسۋەلا پرەزيدەنتى قىتايدان ينۆەستيتسيا تارتپاق
09:38, 05 - قاڭتار 2015
استانا. قازاقپارات - ۆەنەسۋەلا پرەزيدەنتى نيكولاس مادۋرو داعدارىسقا ۇشىراعان ەل ەكونوميكاسىنا ينۆەستيتسيا تارتۋ ماقساتىمەن قىتايعا باردى، دەپ حابارلادى BBC.
ۆەنەسۋەلا باسشىسىنىڭ جۇمىس ساپارى بەيجىڭنەن باستالادى، ول وندا ق ح ر ءتوراعاسى شي جينپيڭمەن كەلىسسوز وتكىزەدى.
بۇل ساپارىنان كەيىن مادۋرو و پ ە ك-كە مۇشە بىرنەشە ەلدىڭ باسشىلارىمەن كەزدەسپەك.
ۆەنەسۋەلادا رەتسەسسيانىڭ ۇزاققا سوزىلۋىنا جانە مۇناي باعاسىنىڭ كۇرت تومەندەۋىنە بايلانىستى ەكونوميكالىق احۋال ناشارلاپ كەتتى.
ەلدىڭ بارلىق قارجىلىق تابىسى «قارا التىنعا» بايلانىستى.