تۇركيا شەنەۋنىكتەرىنە جەدەل ساتىنى قولدانۋعا تىيىم سالىندى

استانا. قازاقپارات - ەديرنا پروۆينتسياسىنىڭ گۋبەرناتورى جەرگىلىكتى شەنەۋنىكتەرگە مەملەكەتتىك مەكەمەلەردەگى جەدەل ساتىلارمەن جۇرۋگە تىيىم سالدى، دەپ جازادى 24.kz.

ەكىنشى جانە ءۇشىنشى قاباتتارداعى قىزمەت ەتۋشىلەر ەندى تەك قانا باسپالداقپەن ءتۇسىپ- شىعۋعا ءماجبۇر. بۇل ەرەجە سونداي- اق، مۇگەدەكتەر مەن قارت ادامداردان باسقا، مەملەكەتتىك مەكەمەلەرگە كەلۋشىلەرگە دە قاتىستى.

ونىڭ ساقتالۋ- ساقتالماۋىن ءار كەڭسە عيماراتىندا جۇمىس ىستەيتىن ارنايى باقىلاۋشىلار قاداعالايدى. وسىنداي ەرەكشە ادىسپەن اۋماق باسشىسى ازاماتتاردىڭ دەنساۋلىعىن جاقسارتۋعا جانە ارتىق سالماقتان ارىلۋعا كومەكتەسۋگە بەل بۋىپتى.

تۇركيانىڭ دەنساۋلىق ساقتاۋ مينيسترلىگىنىڭ زەرتتەۋى بويىنشا ەل تۇرعىندارىنىڭ 30 پايىزعا جۋىعىندا ارتىق سالماق بار ەكەن. سونداي- اق، جەدەلساتىدان باس تارتۋ - ەلەكتر شىعىنىنىڭ ازايۋىنا بايلانىستى كوممۋنالدىق تولەمدەردى ۇنەمدەۋگە سەپتىگىن تيگىزەدى.