نيۋ- يورك اۋرۋحاناسىندا «ءال- كايدا» مۇشەسى ءابۋ اناس ليبي قايتىس بولدى

استانا. قازاقپارات - 2013 - جىلدىڭ قازان ايىندا تريپوليدە امەريكالىق ارنايى جاساقپەن ۇستالعان ا ق ش- عى كەنيا جانە تانزانيا ەلشىلىگىنىڭ جارىلىسىن ۇيىمداستىرۋدا ايىپتالىپ وتىرعان ءابۋ اناس ليبي نيۋ- يورك اۋرۋحاناسىندا قايتىس بولدى.

 بۇل تۋرالى ونىڭ قورعاۋشىسى حابارلادى.

50 جاستاعى، اقپاراتتىق تەحنولوگيالار بويىنشا مامان ۇزاق ۋاقىت بويى فەدەرالدىق تەرگەۋ بيۋروسىنىڭ ەڭ قاتتى ىزدەلىپ وتىرعان ادامدارىنىڭ تىزىمىندە بولدى. ونى ۇستاعان ادامعا 5 ميلليون دوللار سىياقى بەرۋ ۋادە ەتىلدى.

1998 - جىلدىڭ مامىرىندا ونىڭ ۇيىمداستىرۋىمەن بولعان شىعىس افريكادا بولعان لاڭكەستىك ارەكەتتەردىڭ سالدارىنان 223 ادامنىڭ ءومىرىن قيدى. ال ليبي بولسا بۇل قىلمىسىن مويىندامادى.

 قورعاۋشى بەرنارد كلياينماننىڭ سەندىرۋىنشە، ونىڭ قورعاۋىنداعى ءابۋ اناس ليبي С گەپاتيتى مەن باۋىر ىسىگىنە شالدىققان.