ءىرى قالالاردا ءومىر ءسۇرۋ ديابەتكە ۇشىراۋ قاۋپىن كۇشەيتەدى
09:43, 04 - قاڭتار 2015
استانا. قازاقپارات - ديابەت ۇشىراتاتىن جانە باسقا دا مەتابوليكالىق بۇزىلىستاردى ۇلعايتاتىن فاكتورلاردىڭ ءبىرى كورتيزولدىڭ (كۇيزەلىس گورمونى) سوزىلمالى ىقپالى بولىپ تابىلادى. كورتيزول قانداعى قانت دەڭگەيىن رەتتەيتىن گورمون - ينسۋليندى وڭدەۋگە كەدەرگى كەلتىرەدى.
سونىمەن، اۋىلدىق جەردەن قالاعا كوشۋ ديابەتكە ۇشىراۋ قاۋپىن ەداۋىر ارتتىرادى، دەپ جازادى Zee News.
زەرتتەۋگە قاتىسقان قالا تۇرعىندارىنىڭ 28 پايىزىندا قانت ديابەتى مەن باسقا دا گليۋكوزا الماسۋىنىڭ بۇزىلىسى بولعان. ال اۋىل تۇرعىندارىندا بۇل كورسەتكىش ەكى ەسەگە تومەن. بۇدان باسقا، قالالىقتاردىڭ اعزاسىنداعى كورتيزول دەڭگەيى اۋىلدىقتارعا قاراعاندا بارىنشا جوعارى بولعان.
قالا تۇرعىندارىنىڭ فيزيكالىق بەلسەندىلىگى اۋىلدىقتارعا قاراعاندا، ەداۋىر تومەن.
ءارى قالالىقتار فاسفۋد پەن تاتتىلەردى كوپ تۇتىنادى. الايدا كورتيزول دەڭگەيىندەگى ايىرىم - كۇيزەلىس گورمونى ءىرى قالالاردا تۇراتىن ادامداردا قانت ديابەتىنە ۇشىراۋ قاۋپىن ارتا تۇسەتىنىن كورسەتەدى.