جاڭا سمارتفون شىعارماق

استانا. قازاقپارات - Kodak جانە Bullitt كومپانيالارى بىرىگە وتىرىپ سمارتفون مەن موبيلدىك قۇرىلعىلار توبىن شىعارماق. ولار ءتىپتى گادجەتتىڭ العاشقى سۋرەتىن جاريالاپ تا ۇلگەردى، دەپ حابارلايدى Lookatme.

سمارتفون فوتوسۋرەتتەردى ءتۇسىرىپ، جاريالاۋ ءۇشىن پايدالانۋعا ارنالعان. ول Android-تىڭ سوڭعى نۇسقاسىمەن جۇمىس جاسايدى. ازىرگە وعان قاتىستى باسقا مالىمەتتەر كەلتىرىلمەي وتىر.

قۇرىلعىنىڭ تەحنولوگيالىق بولىگىن Bullitt اتقارادى، ول اتاپ ايتقاندا، سمارتفونداردى جوبالاپ، دايىنداپ، باسقا كومپانيالارمەن ارىپتەستىكتە ولاردى وتكىزەدى. ال Kodak ول ءۇشىن ءوزىنىڭ برەندىن ۇسىنادى.

2015-جىلدىڭ ەكىنشى جارتىسىندا بۇل كومپانيالار 4G قوسىلعان موبيلدىك قۇرىلعىلارىن، پلانشەت پەن ولارعا قوسىلاتىن وبەكتيۆتەرىن كوپشىلىك نازارىنا ۇسىنباق. Kodak سمارتفوندارى العاش رەت 2015-جىلدىڭ قاڭتار ايىندا وتەتىن CES كورمەسىنە قويىلادى.