تاريحشى ءوز كىتابىنىڭ باسپاعا شۇعىل جول تارتۋىنا «قازاقتاردا مەملەكەت بولماعان» دەگەن پىكىر قامشى بولدى دەيدى
تاريحشىنىڭ بۇل تۋىندىسى - 20 جىلعا جۋىق ەڭبەكتىڭ جەمىسى. عالىمنىڭ ايتۋىنشا، بىرنەشە جىل زەرتتەۋ جۇرگىزىلگەن مونوگرافيانىڭ تەزىرەك جارىق كورۋىنە بىرنەشە فاكتور اسەر ەتىپتى.
ەڭ نەگىزگىسى - 2015 - جىلى قازاق حاندىعىنىڭ 550 جىلدىعىن بۇكىل ەل بولىپ تويلاۋ تۋرالى باستاما ەكەن.
ءدال وسى ەڭبەكتە بەرەكەت باقىتجان ۇلى حاندىقتىڭ قۇرىلۋىن 1465 - جىل دەگەن تاريحي مالىمەتتى نەگىزگە العان. ال گەرمانيانىڭ بونن ۋنيۆەرسيتەتىندە ەڭبەك ەتەتىن تاريحشى قازاق حاندىعىنا قاتىستى وزگەشە دەرەگىمەن ءبولىستى. نەگىزىنەن قىتاي مۇراعاتىنا يەك ارتاتىن عالىم ءوز جاڭالىعىن بىرنەشە باسىلىمعا جاريالاپ تا كورگەن. ونىڭ ايتۋىنشا، قازاق حاندىعى 1465 - جىلدان بۇرىنىراق قۇرىلعان ەكەن.
الايدا عىلىمي ورتا قازاق حاندىعىنىڭ تاعىنا العاش بولىپ كەرەي حان وتىردى دەگەن ۇستانىمدى ماقۇلداپ قويعان. ءتىپتى، حاندىقتىڭ قۇرىلۋى ءار الۋان دەرەكتە تۇرلىشە كەلەدى. كەي جازبالار 1423 - جىلدان باستاسا، ەندى بىرىندە 16 - عاسىردىڭ باسىندا قۇرىلدى دەپ كورسەتىلەدى.
تاريحشى بەرەكەت كارىبايەۆ حاندىقتىڭ قۇرىلۋ مەرزىمىنە قاتىستى عىلىمي تالاس بۇدان ارى جالعاسا بەرەتىنىن مويىندايدى. الايدا حاندىقتىڭ 550 جىلدىعىن تويلايتىن حالىققا ورتاق مەرەكە ۇلتتىق مۇددە، ەلدىك مۇرات ءۇشىن دەيدى. عالىم كىتاپتىڭ ورىس تىلىنە اۋدارىلعان نۇسقاسىن رەسەي پرەزيدەنتى پۋتينگە ارنايى جولدايتىنىن دا جەتكىزدى.
«31-ارنا»