جىل جادىگەرلەرى

استانا. قازاقپارات - سەمەيدىڭ ولكەتانۋ مۇراجايىندا جىل باسىنان بەرى ارحەولوگيالىق قازبالار ناتيجەسىندە تابىلعان قۇندى ەكسپوناتتار كورمەسى ءوتتى.

وعان كونە زاماننان سىر شەرتەتىن بايىرعى سۋرەتتەر مەن قۇجاتتار، كۇندەلىكتى تۇرمىستا قولدانىلعان قۇرال- سايماندار مەن اشەكەي بۇيىمدار قويىلدى.

شارادا ۇزىن سانى 1,5 مىڭنان استام ەكسپونات كوپشىلىك نازارىنا ۇسىنىلدى. جۇرتشىلىق اسىرەسە 200 جىلدان كەيىن قۇم اراسىنان الىنعان قازاندى قىزىعا تاماشالادى.

الىپ قازاننىڭ سالماعى -  50 كەلى. جانە 120 ليترگە دەيىن سۇيىقتىق سىيادى. بۇل جادىگەردى جەرگىلىكتى تۇرعىن قورا-قوپسىسىن جيناستىرىپ جۇرگەندە تاۋىپ الىپ، مۇراجايعا وتكىزگەن. مامانداردىڭ ايتۋىنشا، تەمىر قازان مەيرام كۇندەرى عانا قولدانىلعان كورىنەدى. تايقازاندا تەك اس تا توك ەتىپ، مول تاعام ازىرلەنگەن ەكەن.

24.kz