يۋنەسكو مۇسىلمان عالىمى ەڭبەگىن جوعارى باعالادى

استانا. قازاقپارات - بىرىككەن ۇلتتار ۇيىمىنىڭ ءبىلىم، عىلىم جانە مادەنيەت جونىندەگى ۇيىمى الداعى 2015-جىلى مۇسىلمان عالىمى يبن ءال-حايتحامنىڭ شىعارماشىلىعى مەن ءومىرىن ەلگە كەڭىنەن تانىتۋ ماقساتىندا ارنايى باعدارلاما قابىلدادى دەپ حابارلادى www.muslim.kz.

يبن ءال-حايتحام الەمگە اتى «زاماناۋي وپتيكانىڭ اكەسى» دەگەن اتاۋمەن تانىلعان مۇسىلمان عالىمى.

«حالىقارالىق جارىق جىلى-2015» اتاۋىمەن وتەتىن عالىم مۇراسىنا ارنالعان شارانىڭ رەسمي اشىلۋى 2015-جىلدىڭ 14-15- قاڭتارىندا يۋنەسكو-نىڭ پاريجدەگى شتاب- پاتەرىندە وتكىزىلەدى.

يگى شارا بارىسىندا يبن ءال- حايتحامنىڭ 1001 ينتەراكتيۆتى ەكسپوناتى قويىلادى، جاڭاشىل عالىمنىڭ ەڭبەكتەرى تانىستىرىلادى، سەمينارلار وتكىزىلەدى.