دۋبايداعى جيىرماسىنشى جەڭىلدىكتەر فەستيۆالى عالامات شارالاردىڭ ءبىرى بولماق
تۇتاس ءبىر اي بويى دۋبايلىق دۇكەندەردە ساتىپ الۋشىلارعا كوپتەگەن جەڭىلدىكتەر قاراستىرىلعان، باعالى جۇلدەلى لوتەرەيالار ويناتىلادى، ولاردىڭ قاتارىندا اۆتوموبيلدەر، ونداعان كەلى التىن، ءىرى اقشالاي سىيلىقتار، زەرگەرلىك اشەكەيلەر جانە باسقا دا باعالى جۇلدەلەر بولماق. امىرلىك مەگاپوليسىنىڭ كوشەلەرىندە كارناۆالدار مەن كونسەرتتەر وتەدى، كۇن سايىن ءىرى ساۋدا ورتالىقتارىندا ارتىستەر مۋزىكالىق ۇجىمدار ونەر كورسەتەدى.
دۋباي امىرلىگىنىڭ بيلىك ورىندارىنىڭ ايتۋىنشا، مەرەيتويلىق جيىرماسىنشى فەستيۆال وسى شارالاردىڭ بۇكىل تاريحىنداعى وراسان زور شارا بولماق. Dubai Shopping Festival كەزىندە بارلىعى 150 ويىن-ساۋىق شارالارى كوزدەلگەن، ولارعا ءىرى قوناق ۇيلەر، ساياباقتار، كوشەلەر مەن جاعاجايلار قاتىستىرىلادى.
رەسمي ستاتيستيكاعا قاراعاندا، دۋبايلىق ساۋدا فەستيۆالىندە امىرلىكتەگى جىلدىق بولشەك ساۋدا ساتىلىمىنىڭ 30 پايىزى كەلەدى. بولشەك ساۋدا ب ا ءا- دەگى ەڭ سەرپىندى دامىپ وتىرعان سالالاردىڭ ءبىرى. تاياۋداعى بەس جىل ىشىندە ونىڭ جىل سايىنعى ءوسىمىنىڭ قارقىنى 12 پايىزدان اسىپ، 2017-جىلى جىلدىق ساتۋ كولەمى 33 ميلليارد ديرحامعا جەتەدى.