مەملەكەتتىك «دارىن» سىيلىعىن «جىگىتتەر» توبى قانجىعالادى - فوتو
«تەاتر جانە كينو» اتالىمدارى بويىنشا تەاتر جانە كينو ارتىستەرى ءادىل احمەتوۆ، مەدعات ومىراليەۆ ماراپاتتالدى. «جۋرناليستيكا» اتالىمىندا سىيلىق تەلەجۇرگىزۋشى راحات جاقسىبايعا، قازاقستان ۇلتتىق ارناسىنىڭ قىتاي حالىق رەسپۋبليكاسىنداعى مەنشىكتى ءتىلشىسى داۋرەن وماروۆقا تاپسىرىلدى. «ادەبيەت» اتالىمى بويىنشا ق ر ۇلتتىق اكادەميالىق كىتاپحاناسى جانىنان قۇرىلعان « ءت ا ج» ادەبي- ينتەللەكتۋالدى كلۋبىنىڭ جەتەكشىسى ەرلان ءجۇنىسوۆ لاۋرەات اتانسا، «ەسترادا» اتالىمىندا «دارىن» سىيلىعىنا «جىگىتتەر» توبى، ءانشى- كومپوزيتور ەسكەندىر يبراگيم، قازاق ۇلتتىق ونەر ۋنيۆەرسيتەتىنىڭ 1 - كۋرس ستۋدەنتى دىنمۇحاممەد قۇدايبەرگەن لايىق دەپت تانىلدى.
بۇدان بولەك، «كلاسسيكالىق مۋزىكا» اتالىمى بويىنشا «داللاس وپەرا وركەستر» كونتسەرتمەيستەرى وردابەك دۇيسەن، ۆيولونچەلشى ەرمەك قۇرمانايەۆ ماراپاتتالدى.
«حالىق شىعارماشىلىعى» اتالىمىندا ديريجەر ارمان جۇدەبايەۆ، دومبىراشى اقبوتا ەربولات قىزى ۇزدىك دەپ اتالدى.
مۇنىمەن قوسا «ديزاين جانە بەينەلەۋ ونەرى» اتالىمى بويىنشا سىيلىق ديزاينەر داريعا تايشيكوۆاعا، «عىلىم» اتالىمىندا رەسپۋبليكالىق جانە حالىقارالىق بايقاۋلاردىڭ جۇلدەگەرى قايسار تابىنوۆ پەن PhD دوكتورى اينۇر تەمىرحانوۆاعا تاپسىرىلدى.
«قوعامدىق قىزمەت» اتالىمىندا قازاق يننوۆاتسيالىق گۋمانيتارلىق- زاڭ ۋنيۆەرسيتەتىنىڭ قىزمەتكەرى دۋمان ءابىلتاي ۇلىنا، وسى سالادا جەمىستى قىزمەت اتقارىپ جۇرگەن ماريا گلۋشكوۆسكايا ماراپاتتالدى.
«سپورت» اتالىمى بويىنشا بوكستان ق ر ۇلتتىق قۇراما كومانداسىنىڭ كاپيتانى دانيار ەلەۋسىنوۆ لاۋرەات اتاندى.
ايتا كەتەيىك، «دارىن» مەملەكەتتىك جاستار سىيلىعىن 1996 - جىلعى 7 - تامىزدا قازاقستان رەسپۋبليكاسى ۇكىمەتى بەكىتكەن جانە العاشقى رەت 1998 - جىلى بەرىلدى. سىيلىق 35 جاسقا دەيىنگى ەل ازاماتتارىنا عىلىمي، شىعارماشىلىق جانە قوعامدىق قىزمەتتەرى ءۇشىن تاپسىرىلادى. سىيلىق تالانتتى جاستاردى ىنتالاندىرۋ جانە ولاردىڭ سىڭىرگەن ەڭبەگىن باعالاۋ ماقساتىندا ەكى جىلدا ءبىر رەت بەرىلەدى. سىيلىق 10 اتالىم بويىنشا بەلگىلەندى.
اۆتور: رۋسلان عابباسوۆ