استانانى جاڭا جىل مەرەكەسىندە مىڭنان استام پوليتسەي كۇزەتەدى
ىشكى ىستەر دەپارتامەنتى باسپا ءسوز قىزمەتىنىڭ حابارلاۋىنشا، مەرەكەلىك ءىس-شارالاردى وتكىزۋ باعدارلاماسىن ەسكەرە كەلە، قوعامدىق ءتارتىپتى قورعاۋعا مىڭنان استام پوليتسيا قىزمەتكەرى، 200 دەن ارتىق قىزمەتتىك كولىك تارتىلادى. وقيعا ورىندارىنا ۋاقىتىلى بارۋ ءۇشىن قوسىمشا جەدەل تەرگەۋ توپتارى قۇرىلدى.
كوشەلەر مەن قوعامدىق ورىنداردا، اسىرەسە، كەشكى جانە تۇنگى ۋاقىتتا كوڭىل كوتەرەتىن ورىنداردا پاترۋلدىك جانە اسكەري ناريادتار تىعىزدىعى ۇلعايتىلماق.
قالادا قوندىرعىلار مەن سىرتقى بەزەندىرۋدى ساقتاۋ ماقساتىندا ساحنالاردى، مادەنيەت جانە سپورت نىساندارىن قورعاۋ قامتاماسىز ەتىلەدى. «رۋبەج» جۇيەسىنىڭ ستاسيونارلىق بەكەتتەرىندە شىرشالاردى، سەرتيفيكاتتالماعان پيروتەحنيكالىق ونىمدەردى جانە باسقا دا تىيىم سالىنعان زاتتاردى زاڭسىز اكەلۋدى باقىلاۋ كۇشەيتىلدى.
ورمان قورعاۋ ورگاندارىمەن بىرلەسىپ قىلقان جاپىراقتى اعاشتاردى زاڭسىز شابۋ جانە ساتۋ فاكتىلەرىن بولدىرماۋ بويىنشا ءىس-شارالار جۇرگىزىلۋدە.
سەرتيفيكاتتالماعان پيروتەحنيكالىق ءونىمنىڭ زاڭسىز اينالىمىنىڭ جولىن كەسۋگە باعىتتالعان «پيروتەحنيكا -2014» جەدەل الدىن الۋ ءىس-شاراسى وتكىزىلۋدە. مەرەكەلىك وتشاشۋلار وتەتىن ورىنداردا قاۋىپتى ايماقتار قورشاۋعا الىنادى.