قازاقستاندا اسكەري بورىشىن وتەۋدەن جالتارعاندار تۇرمەگە قامالۋى مۇمكىن
جاڭا جازالاۋ شاراسى تاياۋداعى كوكتەمگى اسكەرگە شاقىرۋ كەزىندە قولدانىلاتىن بولادى.
شىعىس قازاقستان وبلىسى قورعانىس ىستەرى جونىندەگى دەپارتامەنتىنىڭ وكىلدەرى سوڭعى ەكى جىلدا جاستار ءوز نيەتى بولعاندىقتان عانا بورىشىن وتەدى دەپ ەسەپتەيدى.
«قازىرگى ۋاقىتتا جالپىعا بىردەي اسكەري مىندەت تۋرالى زاڭ جوق، «اسكەري قىزمەت جانە اسكەريدىڭ مارتەبەسى تۋرالى» زاڭ نورمالارى بار. سول جەردە شۇعىل اسكەري قىزمەتكە نيەتى بارلار باراتىنى كورسەتىلگەن»، - دەپارتامەنت باستىعىنىڭ ورىنباسارى ەرلان جاقىپوۆ.
ول اسكەرگە شاقىرىلعان ادامداردىڭ اسكەري كوميسسارياتقا كەلىپ، قىزمەت ەتكىسى كەلمەيتىنىن مالىمدەۋگە جانە مىندەتتەن بوساتۋدى سۇراۋعا مۇمكىندىگى بولعانىن ايتتى. «1 - قاڭتاردان باستاپ جاڭا قىلمىستىق كودەكس زاڭ كۇشىنە ەنەدى، وندا «اسكەري قىزمەتتەن جالتارۋ» دەگەن باپ بار. وعان سايكەس، زاڭدى نەگىزى بولماسا قىزمەت وتەۋدەن جالتارۋعا ەكى جىلعا باس بوستاندىعىنان ايىرۋ جازاسى قولدانىلادى»، - دەدى جاقىپوۆ.
مۇنىمەن قاتار، وتىرىك اۋىرعاندار، ءوز دەنساۋلىعىنا قاساقانا زيان كەلتىرگەندەر نەمەسە مەديتسينالىق انىقتاما قاعازىن قولدان جاساعاندار جازاعا تارتىلادى. بۇل شاقىرۋشىلار ءۇش جىلعا باس بوستاندىعىنان ايىرىلۋى مۇمكىن. ەگەر ولار ءوز نيەتتەرىمەن اسكەري كوميسسارياتقا كەلەتىن بولسا، وندا اسكەري قىزمەتتەن بۇعان دەيىنگى جالتارۋ دەرەكتەرىنە قاراماستان، جاۋاپكەرشىلىكتەن بوساتىلادى.