دەليدەگى قالتاعا تۇسەتىن ۇرىلاردىڭ كوپشىلىگى - ايەلدەر

استانا. قازاقپارات - وسى جىلعى قاڭتار-قاراشا ايلارىندا دەلي مەتروسىندا ۇستالعان قالتاعا تۇسەتىن ۇرىلاردىڭ باسىم بولىگى  ايەلدەر بولدى، دەپ حابارلادى بي-بي-سي جەرگىلىكتى پوليسياعا سىلتەمە جاساپ.

مەتروداعى قاۋىپسىزدىكتى قامتاماسىز ەتەتىن وسى قىزمەتتىڭ مالىمەتتەرىنە قاراعاندا، بۇل كەزەڭدە ۇرلىققا كۇدىكتى 293 ايەل جانە 22 ەر ادام عانا ۇستالدى.

پوليسيا ۇرلانعان 1،4 ميلليون دوللار اقشانى، سونداي-اق كوپتەگەن زەرگەرلىك بۇيىمداردى، جۇزدەگەن نوۋتبۋكتى، فوتواپپاراتتى، ساعاتتاردى جانە ۇيالى تەلەفونداردى تاپتى.

وتكەن جىلى ءۇندىستاندىق پوليسيا مەترودا 466  قالتاعا تۇسەتىن ۇرىلاردى ۇستاعان بولاتىن، ولاردىڭ 421 ى ايەلدەر بولىپ شىقتى.