قازاقستان مەن قىتاي ىنتىماقتاستىقتى دامىتۋ بويىنشا بىرلەسكەن حاتتاماعا قول قويدى - فوتو

بەيجىڭ. قازاقپارات - قىتاي ەلىنىڭ استاناسىندا ق ر ينۆەستيتسيالار جانە دامۋ ءمينيسترى اسەت يسەكشيەۆ پەن ق ح ر دامۋ جانە رەفورمالار بويىنشا مەملەكەتتىك كوميتەتىنىڭ جەتەكشىسى سيۋي شاوشيمەن كەلىسسوزدەرى اياقتالدى.

 كەزدەسۋ قورىتىندىسى بويىنشا تاراپتار تاۋ- كەن مەتاللۋرگياسى، حيميا جانە مۇناي حيمياسى، قۇرىلىس ماتەريالدارىن ءوندىرۋ، ماشينا جاساۋ، سونىمەن بىرگە جەڭىل ونەركاسىپ، تۋريزم، كولىكتىك ينفراقۇرىلىم جانە ەلەكتر ەنەرگەتيكاسى سالالارىنداعى جوبالاردى جۇزەگە اسىرۋداعى الدەقايدا تيىمدىلەرىن انىقتادى.

 بىرلەسكەن حاتتاماعا قول قويىلدى، بايلانىستى جانداندىرۋعا بايلانىستى كەلىسىمگە جانە بىرلەسكەن جوبالاردى تولىق زەردەلەۋ جۇمىستارىن جالعاستىرۋ بويىنشا كەلىسىمدەرگە قول جەتكىزىلدى. كەلەسى كەلىسسوزدەردى تاياۋدا - 2015 - جىلى قاڭتار ايىنىڭ العاشقى ونكۇندىگىندە وتكىزۋ جوسپارلانىپ وتىر.

قازاقستاندىق دەلەگاتسيانىڭ قۇرامىنا شامامەن 40 ادام ەندى، ونىڭ ىشىندە ينۆەستيتسيالار جانە دامۋ مينيسترلىگىنىڭ وكىلدەرى، قازاقستاننىڭ دامۋ بانكىنىڭ، «KEGOC»، «بىرلەسكەن حيميالىق كومپانيا»، «KaznexInvest»، «تاۋ- كەن سامۇرىق»، «قازاقستان ينجينيرينگ»، «سامۇرىق- ەنەردجي»، «بايتەرەك» ۇلتتىق حولدينگى، «قازاۆتوجول»، «قازازوت»، «قازاقمىس» جانە باسقا دا كومپانيالاردىڭ وكىلدەرى بار.