مۇسىلماندار سۋناميدى اللانىڭ سىناعى دەپ قابىلدادى
ارينە، وسى ۋاقىت ىشىندە بۇل ايماقتا كوپتەگەن نارسە وزگەرگەن بولاتىن. ءتىپتى، قوعامدىق وي- پىكىر دە. تابيعات اپاتقا تاپ بولىپ، تاۋبەسىنە كەلگەن تالاي جاندار وسى وقيعادان سوڭ وزدەرىنىڭ ءدىني سەنىمدەرىن باس تارتىپ، مەشىتكە كوبىرەك كەلەتىن بولعان، دەپ حابارلادى muslim.kz.
ايعاقتارعا سۇيەنسەك، 2004 - جىلى 26 - جەلتوقسان كۇنى اچەح پروۆينتسياسىندا بولعان تابيعي اپاتتان 169000 ادام كوز جۇمىپ، 600000 جان باسپاناسىز قالعان ەدى. اپات كەسىرىنەن اچەحتەگى 141000 ءۇي قيراپ، حالىقتىڭ تورتتەن ءبىرى جۇمىسسىز قالعان- دى.
پروۆينتسياداعى مۇسىلماندار جاماعاتى بولسا، بۇل تابيعي اپاتتى راقىمدى اللا تاعالانىڭ وزدەرىنە جىبەرگەن سىناعى دەپ قابىلداپ، ءاربىر ءىستىڭ قايىرلى بولاتىنىنا ءشۇباسىز سەنگەن. راسىندا، توسىننان كەلگەن تابيعات اپاتى ەلدەگى 30 جىلعا جۋىق باسىلماي كەلە جاتقان ازاماتتىق سوعىستى توقتاتتى. ال، حالىقارالىق ۇيىمداردان كەلىپ تۇسكەن گۋمانيتارلىق كومەك شىعىن كولەمىنەن بىرنەشە اسىپ تۇسكەن كورىنەدى.
اپاتتان سوڭ ايماقتاعى جۇرت شاريعات نەگىزىندەگى زاڭ جوبالارىن قابىلداۋدى تالاپ ەتىپ، بۇگىنگى تاڭدا اچەح يندونەزياداعى شاريعاتتىق- قۇقىقتىق جۇيە ەنگىزىلگەن بىردەن- ءبىر پروۆينتسيا اتالىپ وتىر. جەرگىلىكتى حالىق اراسىندا اچەح پروۆينتسياسىن «مەككەگە جول» دەپ تە اتايتىن كورىنەدى.