التاي ۋنيۆەرسيتەتىندە «قازاقستان جولى - ن. نازاربايەۆ» كافەدراسى اشىلدى
دەپ حابارلايدى ق ر ب ع م باسپا ءسوز قىزمەتىنەن.
كافەدرانى اشۋداعى باستى ماقسات - ق ر تۇڭعىش پرەزيدەنتى ساياساتىن ناسيحاتتاۋ، تاۋەلسىز قازاقستاننىڭ جەتىستىكتەرى، ءتىلى مەن تاريحىن جاڭا فورماتتا ۇيرەتەتىن مادەني- زەرتتەۋ ورتالىعىن اشۋ، ەلباسى ەڭبەكتەرىنە نەگىزدەلگەن پاندەردى ەنگىزۋ.
كافەدرانىڭ اشىلۋىنا ق ر ءبىلىم جانە عىلىم مينيسترلىگى جانە م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى، پ. ع. د. , پروفەسسور م. سارىبەكوۆ قولداۋ كورسەتتى. وعان قازاقستان رەسپۋبليكاسى ءبىلىم جانە عىلىم ۆيسە- ءمينيسترى تاكير بالىقبايەۆ، ا ل ت م ۋ ءبىرىنشى پرورەكتورى ۆيتاليي ميشەنكو، «ق ر تۇڭعىش پرەزيدەنتى - ۇلت كوشباسشىسىنىڭ كىتاپحاناسى» م م ديرەكتورىنىڭ ورىنباسارى مەيرام بەكتەمبايەۆ جانە تاراز مەملەكەتتىك ۋنيۆەرسيتەتىنىڭ وقۋ- ادىستەمەلىك جۇمىستارى جونىندەگى پرورەكتورى ءتىرىبولسىن وماربەك ۇلى قاتىستى.
جوبا اۆتورى «ق ر تۇڭعىش پرەزيدەنتى - ۇلت كوشباسشىسىنىڭ كىتاپحاناسى» مەملەكەتتىك مەكەمەسى ق ر ءبىلىم جانە عىلىم مينيسترلىگىنەن التاي ۋنيۆەرسيتەتى مەن بىرگە قۇرمەت كافەدراسىن اشۋعا سەرىكتەس جوعارى وقۋ ورنىن تاڭداۋعا ۇسىنىس بىلدىرگەن ەدى. رەسەيدىڭ جانە ت م د- نىڭ ەڭ ۇزدىك 100 ۋنيۆەرسيتەتىنىڭ، ءسىبىر فەدەراتيۆتى وكرۋگىنىڭ ۇزدىك 6 ۋنيۆەرسيتەتىنىڭ قۇرامىنا كىرەتىن التاي ۋنيۆەرسيتەتى مەن بۇل جوبانى ىسكە اسىرۋعا قازاقستاننىڭ بارلىق ءبىلىم وردالارىنىڭ ىشىنەن م. ح. دۋلاتي اتىنداعى ت ا ر م ۋ تاڭدالدى.
بولاشاقتا ورتالىقتىڭ قىزمەتى وقۋ ۇردىسىمەن ساباقتاسىپ، ستۋدەنتتەرگە ارنالعان ەلەكتيۆتى كۋرس رەتىندە ەندىرۋ جوسپارلانۋدا. سونىمەن قاتار ن. نازاربايەۆتىڭ ءجۇرىپ وتكەن جولى مەن جەكە تۇلعا رەتىندە قالىپتاسۋ تاريحى ارقىلى جاستار اراسىندا كوشباسشى قاسيەتتەردى قالىپتاستىرۋ - كافەدرا اۆتورلارىنىڭ كوزدەگەن ماقساتتارىنىڭ ءبىرى. اشىلۋ سالتاناتىندا مەيرام بەكتەمبايەۆ قافەدرانى ەلباسى كىتاپحاناسىنان الىنعان كىتاپتاردىڭ مول قورىمەن تولىقتىردى.
كافەدرادا ەلباسى ەڭبەكتەرىمەن قاتار «قازاق ەلى» اقپاراتتىق قابىرعا تاقتايشاسى دا ورنالاسقان. وندا قازاقستاننىڭ مادەنيەتى، ءتىلى مەن ءداستۇرى، جەتىستىكتەرى مەن قىسقاشا تاريحى قامتىلعان. ەلىمىز جايلى تولىق ماعلۇمات بەرەتىن كوركەم شىعارمالار، ەلەكتروندى كىتاپتار، زەرتتەۋ مەن ساراپتاما جۇمىستارى ءۇشىن اۋديو- جانە بەينەماتەريالدار كونتەنت- ورتالىق سەكتورىندا ورىن تەپكەن. اۋديو- بەينە تاقتايشادا بەينەماتەريالدار مەن كىتاپتاردىڭ ەلەكتروندىق نۇسقالارىمەن، قر پرەزيدەنتى ن. نازاربايەۆتىڭ ءار ءتۇرلى تىلدەرگە اۋدارىلعان اۋديوكىتاپتار قامتىلعان.
ال «نازاربايەۆتىڭ قازاقستاندىق جولى» اتتى جارىق ديودتى پاننو ەلباسىنىڭ ءار ءتۇرلى كەزەڭدە تۇسكەن سۋرەتتەرى ارقىلى مەملەكەتتىڭ دامۋ تاريحىن ايشىقتايدى. العان اسەرلەرى مەن جۇرەكجاردى لەبىزدەرىن جەتكىزۋ ءۇشىن كەلۋشىلەرگە ارنالعان «مەنىڭ قازاقستانعا تىلەكتەرىم» LED- تاقتاسى دا قاراستىرىلعان.
يننوۆاتسيالىق تەحنولوگيالاردى پايدالانا وتىرىپ ۇيىمداستىرىلعان ەلباسىنىڭ قۇرمەت كافەدراسىنىڭ اشىلۋى - الەمنىڭ ەڭ ءىرى ج و و- دا ن. نازاربايەۆ ورتالىقتارىن اشۋ حالىقارالىق جوباسىنىڭ ءبىر بولىگى. 2014 - جىلدىڭ ءساۋىر ايىندا ۆەنگريانىڭ سەكەشفەحەرۆار قالاسىنداعى يانوش كودولاني اتىنداعى قولدانبالى عىلىمدار ۋنيۆەرسيتەتىنىڭ قابىرعاسىندا ءدال وسىنداي قۇرمەت كافەدراسى اشىلعان بولاتىن.