پاۆلودار وبلىسىندا ەلىمىزدەگى ەڭ ءىرى مال بورداقىلاۋ الاڭى سالىنۋدا
پاۆلودار وبلىسىندا «اباي» ج ش س-نىڭ ءبىر ۋاقىتتا 3000 باس مال ۇستاۋعا ارنالعان مال بورداقىلاۋ الاڭى 2014 - جىلى سالىنعان.
شارۋاشىلىق ەكونوميكالىق ەسەبىن جاساپ، ودان ءارى دامۋعا بەل بايلادى. ول ءۇشىن قوسىمشا قارجى قاراجاتتارى قاجەت بولدى، سول سەبەپتى «اباي» ج ش س «قازاگروقارجى» اكتسيونەرلىك قوعامىنىڭ قولداۋىن پايدالانىپ قالماقشى بولىپ شەشىم قابىلدادى.
قارجى ۇيىمىندا جوبانى ماقۇلدادى. جوبانىڭ قۇنى - 4,5 ميلليارد تەڭگەدەن ارتىق، ونىڭ ىشىندەگى «قازاگروقارجى» اق قاراجاتى 3 ميلليارد 626 ميلليون تەڭگە، دەپ حابارلايدى اتالمىش حولدينگتىڭ باسپا ءسوز قىزمەتىنەن.
قاراجات جىلدىق %6 بەن 9,5 -جىلعا ق ر ۇلتتىق قورىنان بولىنگەن. بۇل قاراجات ەكى كەزەڭمەن بولىنەتىن بولادى. ءبىرىنشى كەزەڭ - 4000 باس مالعا ارنالعان قوسىمشا بورداقىلاۋ قۋاتتارىن تۇرعىزۋ.
ءسويتىپ، ءبىرىنشى كەزەڭ ىسكە اسىرىلعاننان كەيىن، پاۆلودار وبلىسىنداعى مال بورداقىلاۋ الاڭىندا 7000 باس مال ۇستالاتىن بولادى. ەكىنشى كەزەڭ - قۋاتىن تاعى دا 3000 باسقا ۇلعايتۋ، بۇل شارۋاشىلىقتىڭ جوبالىق قۋاتقا (10000 باس) شىعۋىنا مۇمكىندىك بەرەدى.
«اباي» ج ش س قارجى ديرەكتورى قاناتبەك ۇزەمبايەۆتىڭ ايتۋىنشا، مالدى پاۆلودار، اقمولا، قاراعاندى وبلىستارىنىڭ شارۋاشىلىقتارى اكەلەدى. شارۋاشىلىقتىڭ قۋاتتى جەمشوپ بازاسى بار، پايدالانىلاتىن جەرلەرى 14 مىڭ گەكتار الاڭدا ورنالاسقان. پاۆلودار ءوڭىرىنىڭ مالدارىنىڭ ەتى قازىرگى كەزدە رەسپۋبليكانىڭ ءىرى قالالارىنا - استانا مەن الماتىعا جەتكىزىلەدى.
ەستەرىڭىزگە سالا كەتەيىك، قۇرامىنا «قازاگروقارجى» ا ق ەنەتىن «قازاگرو» ۇلتتىق حولدينگى «سىباعا» باعدارلاماسى بويىنشا رەپرودۋكتورلار، مال بورداقىلاۋ الاڭدارىن تۇرعىزۋ جانە مال تۇقىمدارىن وزگەرتۋ جوبالارىن قارجىلاندىرۋ ارقىلى ءىرى قارا مال ەتىنىڭ ەكسپورتتىق الەۋەتىن دامىتۋ باعدارلاماسىن ىسكە اسىرۋعا قاتىسادى.