ەۋروپادا قۇس تۇماۋى وقيعالارى تىركەلدى
16:14, 27 - جەلتوقسان 2014
استانا. قازاقپارات - ەۋروپادا قۇس تۇماۋىنىڭ تارالۋى تىركەلدى، دەپ حابارلادى بەلتا ب ۇ ۇ- نىڭ جاڭالىقتار ورتالىعىنا سىلتەمە جاساي وتىرىپ.
دۇنيەجۇزىلىك دەنساۋلىق ساقتاۋ ۇيىمى Н5N8 قۇس تۇماۋىنىڭ جوعارى پاتوگەندى ۆيرۋسىنىڭ جاڭا بەلگىلەرى تىركەلگەنى تۋرالى اقپاراتتاندىردى.
ۆيرۋس يتاليانىڭ سولتۇستىك- شىعىسىندا پورتو-ۆيرو كۇركەتاۋىق فەرماسىندا، گەرمانياداعى تومەنگى ساكسونياداعى قۇس فەرماسىندا، تاعى ەكەۋى نيدەرلاندىدا تىركەلدى.
Н5N8 قۇس تۇماۋىنىڭ جوعارى پاتوگەندى ۆيرۋسى وسىعان دەيىن كورەيا جانە جاپونيا ەلدەرىندە تىركەلگەن.
ازىرگە Н5N8 تۇماۋىنىڭ ادامدارعا جۇققاندىعى تۋرالى دەرەكتەر جوق ءارى ونىڭ ۇستىنە ونىڭ ادامدارعا جۇعۋ ءقاۋپى تومەن. سوعان قاراماستان، ەلدەردىڭ مەملەكەتتىك ورگاندارى ودان ساقتانۋدىڭ الدىن الا شارالارىن قولعا الۋدا. سەبەبى قۇس تۇماۋىنىڭ كەيبىر تۇرلەرى ادامدارعا دا جۇعۋى ابدەن مۇمكىن.