قىزىلجارلىقتار التىن وندىرەدى

استانا. قازاقپارات - سولتۇستىك قازاقستان وبلىسىندا جاڭادان ىسكە قوسىلعان التىن وڭدەۋ زاۋىتىندا الداعى بەس جىل شاماسىندا 2 مىڭ توننا باعالى مەتالل ءوندىرۋ كوزدەلىپ وتىر.

«اۋليە گولد ماينينگ» ج ش س س ق و-نىڭ ەسىل اۋدانى بۇلاق اۋىلىندا سالىنعان التىن وڭدەۋ كاسىپورنىنىڭ قۇرىلىسىن رەسەي ينۆەستورلارىنىڭ قارجىسىنا وسى جىلدىڭ ماۋسىمىندا باستاعان بولاتىن. قۇنى 2,7 ميلليارد تەڭگەگە باعالانعان جوبا 5 جىلعا ەسەپتەلگەن.

اۋليە كەن ورنىن وندىرىستىك وڭدەۋ مەن شيكىزاتتى قايتا وڭدەۋ بويىنشا جوبا ۇدەمەلى يندۋستريالدىق- يننوۆاتسيالىق دامۋ باعدارلاماسىنىڭ ءبىرىنشى بەسجىلدىعىنا ەنگەن. جوسپار بويىنشا زاۋىتتاعى ءوندىرىس كولەمى جىل سايىن 130 مىڭ توننادان 600 تونناعا دەيىن ۇلعايىپ، ءونىم قازاقستان نارىعىنا وتكىزىلەدى.

وتكەن عاسىردىڭ 70- جىلدارى بارلانعان كەن ورنىندا شامامەن 2 توننا باعالى مەتال قورى بار. تاۋ جىنىستارىن قايتا وڭدەۋدىڭ كولەمى -  10 ميلليون تەكشە. قازىر جاڭا ءوندىرىس ورنىندا 250 ادام جۇمىسپەن قامتىلدى.