بايان ەسەنتايەۆا: قازىرگى تەلەۆيدەنيە سالاسىندا مەن مويىندايتىن تەلەجۇرگىزۋشىلەر جوق
كەزدەسۋدە كاسىپكەرلەر، جۋرناليستەر، «دامۋ» ورتالىعىنىڭ ماماندارى مەن ءتۇرلى سالا قىزمەتكەرلەرى، شوۋ-بيزنەسكە قاتىسى بار ت ۆ، مۋزىكا، كينو جانە وسى قىزمەت ءتۇرى جايلى بىلگىسى كەلەتىن بارلىق ادامدار قاتىستى.
كەزدەسۋدى كلۋبتىڭ نەگىزىن قالاۋشى، جۋرناليست، مودەراتور سوفي باەش جۇرگىزدى.
«بۇل كەزدەسۋىمىزدىڭ نەگىزگى ماقساتى - قازىرگى شوۋ-بيزنەس سالاسىنىڭ دامۋى مەن ونىڭ ىشكى دۇنيەلەرىمەن تولىعىراق تانىسۋ. بايان حانىم قازاقستانداعى ەڭ ىقپالدى ايەلدەردىڭ رەيتينگىندە 30-ورىندى يەلەنگەنى بەلگىلى. سول سەبەپتى بۇگىن قازاقستاننىڭ ەڭ ىقپالدى ايەلدەرىنىڭ ءبىرى رەتىندە بايان حانىمدى شاقىرىپ وتىرمىز. بۇگىنگى كەزدەسۋدىڭ پايداسى مەن ماڭىزى زور بولار دەگەن سەنىمدەمىن»، - دەدى مودەراتور سوفي باەش كەزدەسۋ باسىندا.
بايان ەسەنتايەۆا دا ءوز كەزەگىندە كەزدەسۋ جايلى ءبىر-ەكى اۋىز پىكىرىمەن ءبولىستى.
«مەن نەگىزى قارجى كلۋبى جايىندا جاقسى بىلمەيمىن. ءبىراق بۇگىنگى كەزدەسۋگە مەنى شاقىرىپ وتىرعاندارىڭىزعا قۋانىشتىمىن. ەندەشە سىزدەرگە مەنىمەن كەزدەسۋ قىزىقتى بولعانى مەنىڭ بارلىعىن دۇرىس جاساپ جاتقاندىعىمدى بىلدىرەدى دەپ تۇسىنەمىن.
ياعني بۇنىڭ ءبارى جاي ەمەس. كوپ ادامعا بۇل كەرەك جانە قىزىقتى بولارى انىق. مەن باسىندا ەشكىمگە قىزىق بولمادىم جانە ەشكىم قاجەت ەتپەدى. شىن مانىندە ماعان سەنگەندەر از بولدى. «سەن ەشكىم ەمەسسىڭ» دەگەندەر دە بولدى. بارىنە دالەلدەۋ ءۇشىن مەن وسىنداي جەتىستىككە بىرنەشە جىلدار بويى ەڭبەك ەتتىم. سوندىقتان بۇگىن سىزدەردىڭ كەز كەلگەن سۇراقتارىڭىزعا جاۋاپ بەرەمىن»، - دەدى بايان ەسەنتايەۆا.
جيىن ەركىن فورماتتا ءوتتى. قاتىسۋشىلار وزدەرىن قىزىقتىرىپ جۇرگەن ءتۇرلى سۇراقتارىنا جاۋاپ الدى. سونىڭ ىشىندە شوۋ-بيزنەسكە جانە بايان ەسەنتايەۆانىڭ جوبالارىنا بايلانىستى كوپتەگەن سۇراقتار قويىلدى.
ماسەلەن، «قازىرگى تاڭدا شوۋ-بيزنەس نارىعىنىڭ دامۋى قالاي ءجۇرىپ جاتىر جانە ءسىزدىڭ شوۋ-بيزنەس نارىعىڭىز قالاي دامۋدا؟» دەگەن العاشقى سۇراققا بايان ەسەنتايەۆا: «مەن شىعارماشىلىق ادام بولعان سوڭ، بارلىعىنا شىعارماشىلىق كوزقاراسپەن قارايمىن. قازىرگى شوۋ-بيزنەس دامىپ كەلەدى جانە قىزىقتى دامۋدا. مەن العاش رەت شوۋ-بيزنەس نارىعىنا «كەشyou » توبى ارقىلى وسىدان ون جىل بۇرىن اياق باستىم.
سونىمەن قاتار، ول كەزدەردە مەن العاش رەت پروديۋسەرلىكتى قولعا الىپ، «كەشyou» توبىنا جەتەكشىلىك ەتە باستادىم. سونداي-اق، بۇنىڭ بارىنەن كوپ اقشا تابۋعا بولاتىنىن بىلمەدىم. مەن ول كەزدە جاي ءوزىمدى جاڭا ورتادا سىناپ كورمەكشى بولدىم. قول تيگەندە وزىمشە جوبالار ويلاستىراتىنمىن.
سەبەبى، كەيدە ماعان ءومىر قىزىقسىز بولاتىن. وسى ارقىلى مەن پايدا تابۋدىڭ جولدارىن ۇيرەندىم. ءوزىمنىڭ شوۋ-بيزنەس نارىعىم جايلى ايتاتىن بولسام،
مەن كەيدە «كەشyou» توبىنان از پايدا تاپسام، باسقا جوبالارىمنان ۇتامىن. ماسەلەن كينو جوبالارىمنان. پايدا ءتۇسىمى تۇراقتى بولماعاندىقتان، ول جايلى تولىقتاي ايتا المايمىن.
سەبەبى، ول تەك مەنىڭ جەكە بيزنەسىم.
سونىمەن قاتار، الداعى ۋاقىتقا جوسپار قۇرمايمىن. الدا قالاي بولاتىنىن بىلمەيمىن. قىزدارىمنىڭ بىرەۋى تۇرمىسقا شىعىپ كەتۋى، اۋىرىپ قالۋى نەمەسە ءتۇرلى جاعداي بولۋى مۇمكىن. سونداي-اق، مەن وسى ۋاقىتقا دەيىن ادام تاڭداۋدا كوپ قاتەلەسكەن كەزدەرىم بولدى.
ەڭ باستى قاتەلىگىم - سول ادامدارمەن سونشا ۋاقىت بەكەرگە جۇمساعانىمدى تۇسىنبەگەنىم. ال تەلەۆيدەنيەگە كەلەتىن بولساق، قازىرگىگە قاراعاندا وسىدان ون جىل بۇرىنعا تەلەۆيدەنيە جاقسى ءارى قىزىق ەدى. ول كەزدەرى مىقتى جۋرناليستەر كوپ بولدى. قازىر ولار جوق جانە كوبىسى ولاردى تانىمايدى. قازىرگى تەلەۆيدەنيە سالاسىندا مەن مويىندايتىن تەلەجۇرگىزۋشىلەر جوق. ون جىل ىشىندە جانىپ تۇرعان تەلەجۇرگىزۋشىلەر شىقپادى. ارينە، بۇل مەنىڭ جەكە ويىم.»
«بۇل ومىردە جەتىستىككە قالاي جەتۋگە بولادى؟» دەگەن سۇراققا: «بۇل ماعان ەڭ كوپ قويىلاتىن سۇراقتاردىڭ ءبىرى. شىندىعىندا جەتىستىككە جەتۋدىڭ ناقتى فورماسى جوق. ەڭ باستىسى ماقساتقا جەتۋ ءۇشىن كوپ قيىنشىلىقتى باستان وتكەرىپ، بارىنە توزىممەن قاراۋ كەرەك جانە سودان سۇرىنبەي ءوتۋ ءۇشىن مىنەز كەرەك. مەن وزىمدە مىنەز بار دەپ ايتا الامىن. بۇل وتە كەرەمەت. سەبەبى، مىنەز ەلدىڭ بارىنە بەرىلە بەرمەيدى. ونداي مىنەزبەن ادام تۋىلادى. ادامنىڭ كىشكەنتاي كۇنىنەن بولاشاعىن كورۋگە بولادى. مەن كىشكەنتاي كۇنىمنەن «مەن» دەپ ءوستىم. ءبارىنىڭ نازارى تەك مەندە بولعانىن قالادىم. مەكتەپتە دە ءمۇعالىم سۇراعان نارسەنى بىلمەسەم دە، ءبىلدىم دەپ ايتاتىنمىن. سەبەبى، مەنى ماقتاعانىن قالايتىنمىن. سونداي-اق، ۇنەمى ۇيقىسى كەلىپ، شارشاپ جۇرەتىن ادام ەشقاشان جەتىستىككە جەتپەيدى.»
«ءسىز ۇنەمى جاڭا جوبالارىڭىزبەن ەلدى تاڭ قالدىراسىز. بولاشاقتا تاعى نەمەن تاڭ قالدىرۋ جوسپارىڭىزدا بار؟» دەگەن سۇراققا: «مەن نەگىزى جاساپ جاتقان دۇنيەلەرىممەن ەشكىمدى تاڭعالدىرۋعا تىرىسپايمىن. سەبەبى، مەن سيقىرشى ەمەسپىن، سىزدەر سياقتى اداممىن. ءبىراق، جۇمىسىمنىڭ ناتيجەسى كوپشىلىكتىڭ كوڭىلىنەن شىعىپ جاتادى. ەڭ العاشقى «عاشىق جۇرەك» اتتى كارتينام مەن جاناردىڭ جەڭىسى مەن ءۇشىن شەشىلىپ قويعان نارسە دەپ بىلەمىن. سەبەبى، مەن جەتىستىككە جەتەتىن كەزدە ونى الدىن الا سەزەمىن. جاناردىڭ دا جەڭەتىنىن سەزدىم. الايدا ونى ءوزىم عانا ءبىلدىم جانە جانارعا قالايدا بولسىن جەڭۋ كەرەكسىڭ دەدىم.»
«قايرات نۇرتاستى مويىندايسىز با؟» دەگەن ساۋالعا: «قايرات وتە جاقسى ادام. ول اندەرىن ءبىزدىڭ ستۋديادا بىرنەشە جىلدان بەرى جازىپ كەلەدى. قايراتتى مويىنداماۋ مۇمكىن ەمەس جانە مەن ونى ونەرلى ادام رەتىندە باعالايمىن. سونىمەن قاتار، قايراتتىڭ داۋىسىندا وزىنە عانا ءتان ءبىر ەرەكشەلىك بار. مەن ونىڭ ساحنادا ءان ايتقانىن كورگەندە ساحنا ءۇشىن جارالعان ادام ەكەنىن تۇسىنگەنمىن. ول ادامدا وزگە انشىلەردە جوق قاسيەت بار. باسىندا كوپ ادام جاقتىرمادى. ءبىراق، قايرات بارىنە دالەلدەي ءبىلدى.»
«ءسىز ءوزىڭىزدى قازاقستانداعى ەڭ ۇزدىك پروديۋسەر رەتىندە سەزىنەسىز بە؟ باسقا پروديۋسەرلەردەن كىمدى ۇلگى تۇتاسىز؟» دەگەن سۇراققا: «مەن ءوزىمدى باسقالارمەن سالىستىرعاندا ۇزدىكپىن دەپ ەمەس، كوپ جوبانى بىرگە الىپ جۇرە الاتىن پروديۋسەرمىن دەپ سانايمىن. سەبەبى، مەن تەك ءبىر سالادا ەمەس، بىرنەشە سالادا جۇمىس جاساپ كەلەمىن. ناقتىراق ايتساق مۋزىكا، كينو، جۋرنال، باعدارلاما جانە ت. ب. سالالار.
بارلىعىنا بىردەي مەن سياقتى پروديۋسەر بولىپ وتىرعان ادامدى كورمەدىم. وسى جاعىنان مەن ۇتىپ وتىرمىن. باسقالار جىلىنا 2-3 جوبامەن وتىرسا، مەن كينو ءتۇسىرىپ، باعدارلاما جۇرگىزىپ جانە «كەشyou» مەن «لاشىن» توپتارىنىڭ جۇمىسىمەن اينالىسىپ ۇلگەرەمىن. ال باسقا پروديۋسەرلەردى ءار سالا بويىنشا باعالايمىن.
مىسالى، اقان ساتايەۆتى كينو سالاسىنىڭ ۇزدىك مامانى رەتىندە قابىلدايمىن. سونداي-اق، ارىپتەسىم دينارا ادامنان كوپ نارسە ۇيرەنەمىن. ماعان ونىڭ قالاي جۇمىس جاساپ جاتقانى ءبارى قىزىق. مەن ونداي ادامداردان كوفە ءىشىپ وتىرعاننىڭ وزىندە دە كوپ نارسە ۇعىپ الامىن» دەدى.
كەزدەسۋ سوڭىندا «كەلە جاتقان جاڭا جىل قۇتتى بولسىن! ءار وتباسىنا تەك باقىت اكەلسىن»، - دەپ كەلە جاتقان جاڭا جىلعا تىلەگىن ءبىلدىردى.