پايعامبارىمىزعا (س. ا. ۋ. ) ءتىل تيگىزگەن مۇحاممەد ءولىم جازاسىنا كەسىلدى

استانا. قازاقپارات - پايعامبارلار پاديشاسىمەن (اللانىڭ سالەمى مەن يگىلىگى جاۋسىن) اتتاس 30 جاستاعى ماۆريتانيا تۇرعىنى دىننەن بەزگەندەر ءۇشىن جازا قاراستىرىلعان 306-باپ بويىنشا ايىپتالىپ، ياعني، ەكى الەم ساردارىنا (اللانىڭ سالەمى مەن يگىلىگى جاۋسىن) ءتىل تيگىزگەنى ءۇشىن ءولىم جازاسىنا كەسىلدى.

ارابتاردىڭ بۇقارالىق اقپارات قۇرالدارىنىڭ حابارىنا قاراعاندا، مۇحاممەد شەيح ۋالاد امحاتيرا جەرگىلىكتى سايتتا جاريالاعان ماقالاسىندا ادامزاتتىڭ اسىل تاجىنە (اللانىڭ سالەمى مەن يگىلىگى جاۋسىن) ءتىل تيگىزگەن كورىنەدى.

الايدا، ول ءوز كىناسىن مويىنداماي وتىر. ناقتىراق ايتقاندا، ول پايعامبارىمىزعا (اللانىڭ سالەمى مەن يگىلىگى جاۋسىن) ءتىل تيگىزۋدى ويىنا الماعانىن جانە بۇل ىسىنە وكىنەتىنىن جەتكىزگەن. قازىرگى ۋاقىتتا ماۆريتانيا تۇرمەسىندە ءولىم جازاسىنا كەسىلگەن 52 تۇتقىن وتىر.

1989 - جىلدان بەرى بۇل ەلدە بىردە-ءبىر ءولىم جازاسى قولدانىلماعان ەكەن. ادەتتە بۇل ەلدە كىسى قانىن موينىنا جۇكتەگەندەر مەن تەراكتىنى ۇيىمداستىرىپ، جۇزەگە اسىرعاندار ءولىم جازاسىنا كەسىلەدى.

islam.kz