قىرعىز ەلىنىڭ الدىندا جاڭا ەكونوميكالىق مۇمكىندىكتەر اشىلماق
ەندى كورشى مەملەكەت بەلسەندى ينتەگراتسيالىق ۇدەرىسكە ىلەسىپ، وداقتاس ەلدەردىڭ ەكونوميكاسىنىڭ نىعايۋىنا ۇلەس قوسۋى قاجەت.
قىرعىزستاندا ەۋرازيالىق ەكونوميكالىق وداققا مۇشە بولدى. ماسكەۋدە وتكەن سامميت الدىندا ەل پارلامەنتى وداققا قوسىلۋ تۋرالى زاڭ جوباسىن قابىلداپ تا ۇلگەردى. تەز بولعانى سونشا، 1 كۇندە بار جۇمىستى تىندىردى.
بۇل مەملەكەتتىڭ وداققا كىرۋگە دەگەن ۇمتىلىسىن كورسەتتى. ەۋرازيالىق ەكونوميكالىق وداققا قادام جاساعاندا قابىلدانعان جول كارتاسى ۇكىمەتپەن بەكىتىلگەن ەدى. قالعان ماڭىزدى قۇجاتتار 2015 - جىلدىڭ 1 - مامىرىنا دەيىن ماقۇلدانۋ كەرەك.
المازبەك اتامبايەۆ، قىرعىز رەسپۋبليكاسىنىڭ پرەزيدەنتى:
- كەلەسى جىلدىڭ 9 - مامىرى، ۇلى جەڭىس مەركەسىنە دەيىن قىرعىزستان ەۋرازيالىق ەكونوميكالىق وداققا تولىققاندى مۇشە بولادى دەپ ۇمىتتەنەمىن. بۇل مەن ءۇشىن وتە ماڭىزدى. مەنىڭ اكەم كەڭەس اسكەرىنىڭ قۇرامىندا جاۋمەن شايقاسقان. الايدا ول ەل مەن ەلدىڭ اراسىن شەكارا مەن كەدەن بولەدى دەپ ويلاماعان شىعار.
جوسپارعا سايكەس، 2019 - جىلعا دەيىن ەۋرازيالىق ەكونوميكالىق وداقتىڭ ورتاق وتىن نارىعى بولادى. جانار-جاعار مايدى 0 سىرتتان الاتىن قىرعىزستاننىڭ پروبلەماسى شەشىلۋى مۇمكىن. سونىمەن قاتار، ەنەرگەتيكالىق نارىق قۇرۋ كوزدەلگەن.
بۇل جەردە دە قىرعىز ەلى ۇتپاسا، ۇتىلمايتىنى انىق. ەل ءۇشىن ماڭىزدى ماسەلە ەڭبەك ميگراتسياسى دا ءبىر جولعا قويىلماق. وداققا مۇشە ەلدەردىڭ ازاماتتارى ەڭبەك نارىعىندا ەركىن قوزعالا الادى.
دوسكۋل بەكمۋرزايەۆ، قىرعىز رەسپۋبليكاسىنىڭ ەڭبەك، كوشى-قون جانە جاستار ىستەرى ءمينيسترىنىڭ ورىنباسارى:
- ءبىزدىڭ ميگرانتتار ءۇشىن ءتيىمدى تۇستارى وتە كوپ. ءبىزدىڭ قۇقىعىمىز قازاقستان، رەسەي جانە بەلارۋس ازاماتتارىمەن تەڭەستىرىلەدى. ارمەنيا دا بولادى. كوپشىلىك قۋانىپ جاتىر، كۇندەلىكتى كەزدەسەتىن پروبلەمالاردىڭ شەشۋ جولدارى تابىلار دەگەن ءۇمىت قوي.
وداققا كىرگەننەن كەيىن قىرعىزستاننىڭ شەكاراسى اۆتوماتتى تۇردە ەۋرازيالىق ەكونوميكالىق وداقتىڭ سىرتقى شەكارا شەگى بولماق. ءقازىر ەلدە شەكارا جانە كەدەن بەكەتتەرىن وداق تالاپتارىنا ساي جابدىقتاۋ جۇمىستارى ءجۇرىپ جاتىر. بۇل شەكارا قىزمەتىنىڭ ساپاسىن ارتتىرىپ قانا قويماي، قاۋىپسىزدىك شاراسىن كۇشەيتپەك.
24.kz