بالالارعا انالعان «جۇلدىزدى اڭىز-ەرتەگىلەر» سايتىنىڭ تۇساۋى كەسىلدى

استانا. قازاقپارات - بۇگىن قازاق حالقىنىڭ رۋحاني قۇندىلىقتارىنىڭ ءبىرى بولىپ سانالاتىن - ەرتەگىلەر مەن اڭىزدار جيناقتالعان «جۇلدىزدى اڭىز-ەرتەگىلەر» اتتى سايتتىڭ تۇساۋ كەسەرى ءوتتى.

«Ertegiler.kz» سايتى حالىق ەرتەگىلەرى مەن اڭىزدارىنىڭ بىرەگەي اۋديو-نۇسقاسىنان تۇرادى.

«موبيلدى نۇسقا قاڭتار ايىنان باستاپ ىسكە قوسىلماق. ەندى ينتەرنەتكە كىرىپ، وزىڭىزگە ۇناعان ەرتەگىنى جۇكتەپ الۋعا بولادى. بۇل جوبا جاڭاجىلدىق سىيلىق رەتىندە تاپتىرمايتىن دۇنيە بالالارعا» - دەيدى وسى ىستىڭ باستاماشىسى بولعان "Aray Madia Group" ستۋدياسىنىڭ وكىلدەرى.

«ۇر، توقپاق» ەرتەگىسىن دىبىستاعان بەلگىلى تەلەجۋرناليست ءلايلا سۇلتان قىزى اتالعان جوبانىڭ بالالارعا بەرەرى كوپ دەپ ەسەپتەيدى.

- وسى ىزدەنىس زايا كەتپەۋى كەرەك. وسكەلەڭ ۇرپاققا مودەرن زامانىنىڭ بەرەرى مول. بالا مۇنى تاماشا قابىلدايدى، - دەيدى ول.

اڭىز بەن ەرتەگىنى وقىپ بەرۋشىلەردىڭ اراسىندا ج. ايجانوۆا، س. باقايەۆا، ق. ءابىلدينا سىندى انشىلەر دە بار. ولار قوسىمشا بەسىك جىرىن دا ورىنداپ بەرگەن.

جوباعا اتسالۋشى ونەر جۇلدىزدارى حالىق مۇراسىن وركەندەتۋ ءۇشىن ەشقانداي اقىسىز قاتىسقانىن اتاپ ءوتۋ كەرەك دەيدى جوبا پروديۋسسەرى اراي قىدىرعالي.

Baq.kz